Amëërëkërëri ighoro e bhakumi bha riikanisa
5
Otareghesi abhagharuka,
amare obharwache kinya okorwacha iso.
Abhabhureni obharwache kinya bhaömöönyu,
2 abhakari abhakungu obharwache kinya bhaanyako,
na abhaakë obharwache kinya abhasubhaati bhaacho.
Ukörë hangʼu amare ukabhaahe otabhiighomba.
3 Obhabhoorere abhakumi kubha,
bhabhatoori abhasino bhano bhataanyi no obhotoorereri bhobhoose.
4 Amare omosino wowoose arabha na abhaana hamu abhaachokoro,
nekwëndëru bhayo singa bheeghe kebhuno bhakobhatoori abhahiiri bhaabho.
Bharaköra hangʼu,
niho bhakoreha abhiibhori bhaabho amachömu ghano ꞉bhaabhaköriire.
Hangʼu nibhu Eryobha reghuchömëru.
5 Omukari omosino uno ataanyi no omooto o komusakeri,
uyo nakoriitëngʼëra Eryobha,
nakorisasaama na ghusabha obhotoorereri bhooche obhotiko no omwishe.
6 Amare omosino uno asiighiri amiigha gha se,
uyo nakuure nangabha anyi muhöru.
7 Amangʼana ghayo ghoose,
obhabhoorere abhakumi,
kubha bhataacha ghutëmu amasörö.
8 Amare omooto wowoose uno ataaghotoori abhaato bhaache,
ahanene bhaare bha mo‑ka yaache,
uyo naakubha atighiri obhokumi bhuno toghokumi,
wiiki m‑mobhe ghokera omooto uno ataamara akumi.
9 Omosino naghotora ghotooru mo‑mubharo o bhasino,
aribha ahikiri emeeka miröngö esaasabhe,
na wiiki naare omukari o mosubhe umu.a
10 Abhe omooto uno aghoghongibhu gho ghiri e maköri kinya ghano,
abhe omooto uno arëriri abhaana bhoheene,
na uno aghënëhiri abhaghëni,
na uno abhahökiiri abhakumi gho kobheeghi amaghoro ghaabho,
na uno abhasakiiri bhano bhakunyaakibhu.
Gho ghayo,
abhe omooto uno iruusiri ghuköra amaköri ghoose amachömu.
11 Amare abhasino abhasubhaati,
otabhiisherereri ghusöha mo‑mubharo o bhasino,
gho kubha amiigha gha mobhere ngakobhakinda,
mbaghutabhara ghokwiru ghokera kwiruuseri ghuköra emeremo ghe Kirisito.
12 Gho ghayo,
mbaakubha bhiirëëtiire ghoteneru ekiina,
gho kubha mbaakubha bhatighiri eriiraghano reebho gho Kirisito re ghusaagha bhatakwiruru.
13 Abhasino bhayo,
mbanariri atëëmö e bhutöbhu,
bhariinaaranaara mo‑chaaka che bhaato.
Wiiki,
m‑bhakobhooshani,
mbaghwisöhi mo‑mangʼana gha bhaato abhande,
na ghosiikëra ghano ghataakubha.
14 Ibheere,
nekwënda abhasino bhano bhakeere abhasubhaati,
bhabhe bharakwiru,
bhiibhore abhaana na kumööhi chaaka cheebho,
kubha abhabhisa bhiito bhatighe ghotughamba kobhe.
15 Nekobhugha hangʼu,
gho kubha abhande mbamariri korumeera na koritambana Erishambu.
16 Aribha omukari omokumi anyi na abhasino mo‑bhahiiri bhaache,
nakwëndëru abhatoori,
kubha eriikanisa retakeyu.
Niho,
eriikanisa reekubha no omweya o ghotoori abhasino abhande bhano bhataanyi no obhotoorereri.
17 Abhagharuka bhano bhakwimeererera eriikanisa bhoheene,
bhasooku na korehu bhoheene,
b ahanene bhano bhakwiruusi kuraghani na kweghi abhaato.
18 Neghosiikëra hangʼu,
gho kubha yandëkuru mo‑Mandëkö Amatööbhiyu kubha,
“Eriibhagha angʼömbë ekubha erahoora angano,
otayibhöha omonu.”
c Wiiki yandëkuru,
“Omuköri o meremo nakurëngʼaanera kuhaabhu amareho ghaache.”d
19 Otiishereri amasëmö ighoro e bhagharuka bha riikanisa,
ghano ghataanyi no obhwibhateri bho bhaato bhabhere hamu bhatato.e
20 Amare abhagharuka bhano bhakwëndërëra ghuköra amasari,
obhahiinye ambërë e bhaato bhoose,
kubha abhande bhatiine.
Atöngërö gho Timotewo
21 ˆNeghakuraghereri ambërë e Ryobha,
na ambërë e Kirisito Yesu na bhamarayika abhaahöru kubha,
ughöötërërë ghayo.
Otatena ekiina kwo bhwango hamu kuraarëra eribhaara rimu.
22 Otiishereri kwo bhwango komotoora omooto mo‑meremo ghe Mutëmi,
gho kubha oramotoora omuköri o masari mo‑meremo ghiyo,
iye woose nookubha wisangiri mo‑masari ghaache.
Iye wichonge,
kubha usaaghe mughöröröku.
23 Korwera ibheere,
iye otanyo amanche agheene,
amare ubhe oranyo na amarof masuuhu gho ghiri e obhubhabharu bho nda yaacho na amabhabharu aghande ghano ghaghokunyaaki.
24 Abhaato abhande,
amasari ghaabho ngakorighibhu haheero,
koru bhakeere ghoteneru ekiina.
Amare abhaato abhande,
amasari ghaabho ngiibhisiri,
ngakorighibhu oronde.
25 Hangʼu hangʼu,
amaköri amachömu ngakorighibhu haheero.
Na ghaare ghakeere ghabhisuru,
ghataaghusaagha hangʼu hangʼu,
ngakuucha kubha haheero.