Anyaarubha e kabhere e Bhawuro kwo
Bhatesaronike
Obhukangati
Anyaarubha e kabhere kwo Bhatesaronike ꞉yaandëkuru na Bhawuro omotomu o Yesu Kirisito (1:1). ꞉Naandëkiri anyaarubha ino eriibhagha ighuhe korwera hano andëkiri yiire a yimbërë, neere kinya omooka o 51 korwera hano Yesu Kirisito ibhoriiru.
Nekorighibhu kubha, Bhawuro ꞉naabhwine amangʼana kubha abhakumi bha iyo Tesaronike, bhataamënyiri bhoheene ameeghi ghaache aghamu. Abhamu bhaghiituuri kubha Yesu namariri ghugharuka. Na abhande bhaghatigha kimu ghuköra emeremo, gho kubha mbaare bhariitëngʼëra Yesu naghugharuka gho chaasiko insuuhu chino chekuucha, hamu kwo bhutöbhu bhoobho bhatëëndiri ghuköra emeremo. Gho ghayo, Bhawuro akaandëka anyaarubha e kabhere, kubha atoore bhoheene amangʼana ghano ꞉bhaangiri ghoghamënya bhoheene. Mo‑nyaarubha ino e kabhere ꞉niihënëriire kubha Yesu naare akeere ghugharuka mo‑se na akabhasasaama bhëëndërërë ghuköra emeremo gho changuru.