Ghano ghakwëndëru mo‑bhiimeerereri bha riikanisa
3
Angʼana ino n‑e hëënë kubha,
“Erabha omooto akwënda emeremo ghe bhwimeerereri bho riikanisa,
uyo niighombiri emeremo emichömu.”
2 Mbe,
asikoofu uyo,
abhe omooto uno ataanyi ni isörö.
Abhe no omukari umu hangʼu,
a na abhe ne ekirëngërë,
wiiki abhe uno anyi na amangʼiini.
Abhe omooto uno aghosooku,
na abhe omooto uno asiighiri ghughënëhi abhaato,
na uno eche kweghi abhaato angʼana e Ryobha.
3 Atabha omurëëbhi,
atabha omurööni,
abhe muhörëëru uno asiighiri omurëmbë.
Wiiki atabha omosiighi o chambiiri.
4 Abhe omooto uno akwimeererera bhoheene aka yaache,
omooto uno eche kweghi abhaana atëëmö e komosooka.
5 Aribha omooto ataaghotora kwimeererera aka yaache omwene,
nibhu aghuköra atore kwimeererera abhakumi bha riikanisa re Ryobha?
6 Wiiki,
atabha omooto uno atooriibhu ghano matiko,
ataacha kwihacha.
Kwihacha kuyo ngokomuköra ateneru ekiina kinya Erishambu ꞉reeteniiru ekiina.
7 Wiiki,
nakwëndëru abhe omooto uno aghughambu bhoheene koru mo‑bhaato bhano bhataanyi Abhakirisito,
ataacha ghutëmu amasörö na ghwighööti mo‑muhëtö o Rishambu.
Ghano ghakwëndëru mo‑mashemaasi
8 Amashemaasib hangʼu hangʼu,
bhabhe abhaato bhano bhaanyi na atëëmö inchömu,
bhatabha chaghughuuti,
bhatabha abharëëbhi,
bhatiighomba kwibhönëra chambiiri gho nchëra ambe.
9 Amare,
bhabhe abhaato bhano bhaghughöötërëra obhuhëënë bho bhokumi bhwito bhuno Eryobha retohunyuriire kwo motema omuchömu.
10 Bhayo wiiki,
nekwëndëru bhasakibhu singa.
Bhararighibhu kubha bhataanyi ni isörö,
niho bhakörë emeremo ghiyo.
11 Abhakari bhaabhoc nabho,
bhabhe bhano bhaanyi na atëëmö inchömu,
bhatabha abhitaamereri bha bhaato,
bhabhe ne ekirëngërë,
wiiki bhabhe abhahëënë mo‑mangʼana ghoose.
12 Amashemaasi mbakwëndëru omooto woose abhe no omukari umu hangʼu,
na bhabhe bhariimeererera bhoheene abhaana bhaabho na abhande bhano bhaanyi mo‑chaaka cheebho.
13 Bhaare bhaghuköra emeremo ghe bhushemaasi bhoheene,
mbaakubha bharasooku.
Hayo mbaakubha no obhosubhesubhe bhwaru bho kuraghani angʼana e bhokumi bhoobho gho Kirisito Yesu.
Obhuhëënë bho bhokumi bhwito
14 ˆNeghakwandëkëra amangʼana ghayo,
nangabha neghwitëngʼëra kuucha iyo ghano matiko.
15 Amare ndakëëchëra,
ubhönë kumënya kino ghekwëndëru ghuköru mo‑riikanisa re Ryobha,
naryo niryo erikinda re bhakumi bha Ryobha rino reenyi ihöru,
ne eriikanisa niryo ambiro no obhoroso bho bhuhëënë.
16 Amangʼana gha bhuhëënë ghano Eryobha rehunywire n‑gha koroghoori,
nagho nigho ghano:
Kirisito niyëërëkiini mo‑mobhere,
na Akörö Ahörëëru ekamuhëënëhi kubha,
mughöröröku,
akarighibhu na bhamarayika,
akaraghanibhu mo‑matöngö ghoose,
aghakumibhu na abhaato bha mo‑se,
aghaghëghu ghuye ighoro
mo‑bhokumi bhooche obhokoro.