Amahöki gha Bhawuro na abhaghëndi iyo Tesaronike
2
Inyu bhahiiri bhiito,
mweche kubha okuucha kwito bhowaanyu,
ghotaare bhoowa.
2 Wiiki mweche kubha hano toore tokeere kohika bhowaanyu,
ntunyaakibhuru na ghotoku mo‑moghya o Bhiribhi.
a Nangabha bhowaanyu ꞉haare haköngʼu chwee,
Eryobha reghatuha changuru che kobharaghaneri Angʼana Anchömu ighoro e Yesu kwo bhosubhesubhe.
3 Mbe,
amangʼana ghano toghokumereri ghokoonyu ghataanyi gha bhobhiihi,
hamu gha körö imbe,
koru tötëëndiri kobhangʼiina.
4 Amare ntokuraghani gho kubha Eryobha ndetorooche kubha nturëngʼaaniire,
reghatuha omoremo o kuraghani Angʼana Anchömu.
Totaaghwitëngʼëra ghuchömëri abhaato,
amare ntokwënda korichömëri Eryobha,
rino rekorighi ghoose ghano ghaanyi moose e metema ghiito.
5 Mweche kubha,
totaare torabhugha amangʼana kubha motosiighe,
koru ghosiikëra amangʼana ghano ghataanyi gha hëënë kubha tubhönë obhwëra.
Eryobha n‑eriibhateri riito!
6 Wiiki totaare törëënda kubha abhaato bhatoghongi,
koru inyu,
koru na abhaato abhande bhoose.
Mbe,
gho kubha itu n‑abhatomu bha Kirisito toonyi,
ntongatoriri kwënda ebheghiro nyarebhe koru ghokoonyu,
amare totaaköriri hangʼu.
7 Itu ntoore bhanyööhu ghokoonyu kinya bhuno omukari ahaarëra abhaana bhaache.
8 ꞉Ntoobhasiighiri inyu chwee.
Niho gho ghiri iyo,
꞉ntuuchömiiru teenyi gho kobhabhoorera Angʼana Anchömu e Ryobha okwene,
amare wiiki na kwiruusi ghuköra ghoose ghano gharëngʼaaniire kobhasakeri,
gho kubha mahëënë m‑bhasiighani bhiito moonyi.
9 Bhahiiri bhiito,
mokohiita ghwiköngʼi kwito na kunyaaka kwito,
gho kubha ntoore toraköra emeremo obhotiko no omwishe.
Ntoore toraköra hangʼu,
kubha eriibhagha tokuraghani Angʼana Anchömu e Ryobha totaacha komunyaaki omooto wowoose ghate yaanyu.
10 Inyu n‑abhiibhateri bhiito ne Eryobha ryose,
kubha atëëmö yiito ghokoonyu bhano momokumiri Yesu,
neere inchömu wiiki e mahëënë etaanyi ni isörö.
11 Wiiki mweche kubha eriibhagha hano toore bhowaanyu ntoore torabhakörëra bhoose kinya bhuno taata ahabhakörëra abhaana bhaache.
Ntoore torabhatoora omukörö na kobhakumeereri,
12 kubha mubhe moratambana ghano Eryobha resiighiri.
Eryobha niryo rekobhabherekera kubha,
mubhe haase e bhukangati no obhokumi bhooche obhokoro.
13 Gho ghayo,
itu ntokoriitabheri Eryobha totaaghotigha naabha,
gho kubha hano mutëghëëriire angʼana yaache koru ghokwito,
motayiisheriiri kinya angʼana e mooto.
Amare kinya angʼana e Ryobha,
na hëënë hangʼu keenyi.
Angʼana iyo niyo eghuköra emeremo moose e metema gheenyu,
inyu bhano momokumiri.
14 Bhahiiri bhiito,
ghaare ꞉ghaabhabhwine abhaato bhano bhamokumiri Kirisito Yesu mo‑makanisa gha Ryobha mo‑mukööwa o Yuteya,
nigho ghayo ghayo ˆghakabhabhöna na niinyu.
Abhaato bhaanyu mbabhanyaakiri,
bhuure bhuure kinya ibho Abhayahuuti bhaghëndi bhaabho ꞉bhaabhanyaakiri.
15 Abhayahuuti bhayo,
nibho bhamwitiri Omutëmi Yesu na abharööti bha kare.
Wiiki nibho bhatunyaakiri itu.
Abhaato bhayo,
mbakorikarari Eryobha,
wiiki nibho abhabhisa bha bhaato bhoose,
16 gho kubha mbaghoturëki kobharaghaneri abhaato bha matöngö Angʼana Anchömu.
Mbakwënda kubha abhaato bhatatooribhu.
Hangʼu hangʼu mbakwëndërëra ghuköra amasari eriibhagha ryose.
Amare ibheere obhororo bho Ryobha ˆbhokabhahikera!
Bhawuro na abhaghëndi ˆbhaghiighomba kobhataarera Abhatesaronike
17 Bhahiiri bhiito,
ghutaana kwito na niinyu nkoore kwo riibhagha isuuhu hangʼu,
wiiki ghutaana kuyo nkoore kwo mobhere,
teenyi gho körö.
Na kwo riibhagha riyo ryose,
ntoore na amiigha chwee gha korighani na niinyu.
18 Gho ghayo,
꞉ntwëëndiri kobhataarera wiiki.
Eni Bhawuro ꞉niisakiri kuucha bhowaanyu teenyi mara rimu,
amare Erishambu reghaturëki.
19 ꞉Ntwëëndiri kuucha bhowaanyu wiiki gho kubha,
inyu niinyu abhatangi bha riitëngʼërö riito.
Wiiki m‑bhawe abhatangi bha ghuchömëru na atuho yiito e bhokindi kwo Mutëmi Yesu araacha kuucha?
Taanyi inyu?
20 Mahëënë,
inyu niinyu moghotuköra twihache na ghuchömëru.