Ntoghotooribhu gho ghareeya e Ryobha
2
Inyu moore mokuure mo‑chaakörö gho ghiri e mabhe na amasari ghaanyu.
2 Eriibhagha riyo moore moratambana amiigha amabhe gha mo‑se ino,
mookabha morasooka Erishambu,
omutëmi o misambu ghino gheenyi na changuru mwighoro.
Iryo niryo ibheere rekobhakangata abhaato bhano bhataakoresooka Eryobha.a
3 Hayo kare koru itu bhoose ntoore kinya ibho,
ntumanyiri gho ghutambana amiigha gha simoka yiito e masari,
na ghuköra amangʼana ghano ꞉ghaare gharachömëri omobhere na amiihëëbhö ghiito.
꞉Ntwibhwiru na atëëmö e masari kinya abhaato abhande,
gho ghayo,
Eryobha ndeere retukarariire na nturëngʼaaniire kuhaabhu anchagho.
4 Amare Eryobha ndeenyi ne ebheghongi no obhosiighi bhooche m‑bhokoro,
5 nikyo retoheere obhuhöru haghirohamu na Kirisito.
꞉Ndiiköriri hangʼu nangabha itu toore tokuure mo‑chaakörö,
gho ghiri e masari ghiito.
b ꞉Ndeetotooriri gho ghareeya yaache.
6 Gho ghughöötana kwito na Kirisito Yesu,
Eryobha ndetoryokiri haghirohamu nawe,
tubhe abhakangati haghirohamu nawe mo‑se ino etaakorighibhu.
7 Hangʼu nibhu akwënda kwërëkani kwo bhaato bha riibhagha rino rekuucha,
obhwaru bho ghareeya yaache ino etaanyi ne ekirëngërë,
ino retoheere kwo bhuchömu gho ghughöötana kwito na Kirisito Yesu.
8 Mbe,
hangʼu nibhu aghareeya e Ryobha ebhatooriri,
gho nchëra e komokumi Yesu Kirisito.
Obhotoori bhuyo bhotabhönëkiri gho ghwiköngʼi koonyu,
Eryobha niryo retoheere kinya atuho.
9 Tabhatooriri kwo maköri ghaanyu,
omooto wowoose ataacha kwihacha.
10 Itu ne emeremo ghe mabhökö gha Ryobha toonyi.
꞉Ndeetobhombiri bhuhë gho ghotughöötani na Kirisito Yesu kubha tukörë amaköri amachömu,
ghano ꞉reetusëëmiire tubhe toraköra.
Obhumu gho kohetera Yesu Kirisito
11 Mbe,
gho ghayo,
moteebhu kubha,
hayo ekeenyuma moore abhaato bha matöngö gho kwibhoru na kobherekeru,
“Bhano motasaaruru” na bhaare bhakwibherekera,
“Bhano bhasaaruru,”
asaaro ino eghuköru mo‑mobhere kwo mabhökö gha bhaato.
12 Mohiite kubha,
eriibhagha riire motamumënyiri Kirisito,
moore mwahukiine na abhaato bha Ryobha Abhiisiraeri,
moore abhaghëni ghate yaabho.
Inyu motaare no omubharo wowoose mo‑riiraghano riire abharaghiire.
꞉Muumanyiri mo‑se motaanyi ne eriitëngʼërö koru motaare ne Eryobha.
13 Amare ibheere gho kohetera Kirisito Yesu,
inyu bhano hayo ekeenyuma moore kurë ne Eryobha na abhaato bhaache,
murëëturu haghuhe gho nchëra e masaahë gha Kirisito.
14 Kirisito omwene naturëëtiire omurëmbë gho kobhaköra Abhayahuuti na abhaato bha matöngö kubha egheghiro kimu.
꞉Naaköriri hangʼu gho nchëra e kuhaanyura oroghito runo roore rotutaaniri na ghotuköra abhabhisa.
Oroghito ruyo nduhanywiru gho nchëra e roko rooche,
15 aghatoruuseri emeghiro ghe Kiyahuuti ghino gheenyi na amahatëkö na amëërëkërëri.
Gho ghayo,
aghaköra itu Abhayahuuti na abhaato bha matöngö kubha egheghiro kimu ekihë kino keenyi no obhumu nawe,
na akarëëta omurëmbë.
16 Gho nchëra e roko rooche mo‑musarabha,
Kirisito nabhosirekeriiri obhobhisa bhuno bhoore ghate yaabho na kobhaghöötani kubha egheghiro kimu.
Wiiki aghatutëmëërani ne Eryobha.
17 Mbe,
Kirisito ꞉niichiri akaraghani Angʼana Anchömu e murëmbë ghokoonyu inyu abhaato bha matöngö bhano moore kurë ne Eryobha,
na kwo Bhayahuuti bhano ꞉bhaare haghuhe ne Eryobha.
18 Gho ghayo,
gho kohetera iwe,
itu bhoose Abhayahuuti na abhaato bha matöngö ntoghotora komwishukerera Taata gho nchëra imu,
gho kohetera Akörö Ahörëëru.
19 Mbe,
korwera ibheere inyu motaanyi abhaghëni wiiki,
hamu abhaheti.
Amare inyu mubheere abhiikari haghirohamu na abhatööbhiyu na wiiki inyu n‑abhaato bha Ryobha moonyi.
20 Inyu mubheere kinya anyumba ino yabhëkuru ighoro e bhoroso.
Abhatomu na abharööti ibho n‑kinya obhoroso bho nyumba iyo.
Kirisito Yesu niwe eriibhohe ikoro re bhoroso.
21 Iwe niwe aghughöötani anyumba yoose na koyekori koru ibhe Ahaghiro Ahatööbhiyu Mwisëngërö,
gho ghiri e Mutëmi.
22 Gho ghughöötana nawe,
inyu bhoose mokwabhëku mubhe obhwikari bho Ryobha,
gho nchëra e Körö yaache.