Anyaarubha e Bhawuro kwo
Bhagharatiya
Obhukangati
Gharatiya n‑omukööwa uno ore ghateghate e se ino chaasiko chino ekobherekeru Bhoturuki. Bhawuro na Bharinaabha ꞉mbaaraghiini Angʼana Anchömu ighoro e Yesu mo‑meghya nyarebhe ghino gheere mo‑mukööwa o Gharatiya. Abhaato bhaaru ꞉mbaakumiri Angʼana Anchömu ighoro e Yesu, bhaakabha Abhakirisito. Amare hano rehetiri eriibhagha, abhaato abhande bhakaacha na kobheeghi Abhakirisito bhayo kubha, bhabhe bharaghööta emeghiro na chaasughara che Bhayahuuti, wiiki bhabhe bharasaaru.
Mo‑nyaarubha ino, Bhawuro nakobhahiiti Abhakirisito bha Gharatiya kubha, Eryobha ndeghotoori abhaato bhoose bhano bhakomokumi Kirisito, taanyi bhano bhaghughööta emeghiro hamu chaasughara nyarebhe. Bhawuro nakobhabhoorera bhoheene kubha, totaaghotora kubha abhaato bhano bhaanyi no obhuhëënë ambërë e Ryobha gho ghughööta emeghiro gheeche, amare n‑kwo bhokumi bhwito obhwene. Bhawuro naghosiikërëra eriimanya riito itu Abhakirisito, kubha rikangatu na Akörö na tosooke omoghiro omokoro o Ryobha o ghosiigha abhaato abhande.