Anyaarubha e kabhere e Bhawuro kwo
Bhakorinto
Obhukangati
Anyaarubha ino ꞉yaandëkuru na Bhawuro, omotomu o Kirisito Yesu (1:1). Anyaarubha ino n‑e kabhere kwo bhakumi bha riikanisa rino reere mo‑moghya o Korinto (1:2). Bhawuro niwe ꞉asëëmiri eriikanisa riyo (Amaköri gha Bhatomu 18:1–8). Nekorighibhu kubha anyaarubha ino ꞉yaandëkuru mo‑meeka ghe 55–56 korwera hano Yesu Kirisito ibhoriiru. Bhawuro ꞉naandëkiri anyaarubha ino eriibhagha are mo‑mukööwa o Maketoniya.
Kino ꞉ghiighëriri Bhawuro akaandëka anyaarubha ino n‑kubha, ꞉nëëndiri kwërëkërëri abhakumi bha Korinto ghano bhakwëndëru ghuköra mo‑bhokumi bhoobho. Wiiki bhabhe amiisho na abheeghi bha bhuröngö bhano ꞉bhiisöhiri gho kebhisere mo‑riikanisa na kweghi amangʼana gha bhuröngö. Abheeghi bhayo mbaare bhareeghi kubha Bhawuro taanyi omotomu o hëënë o Kirisito. Ibho bhaakabha bhariiköri kubha nibho abhatomu abhakoro. Mo‑ghayo, Bhawuro naghwitachura kubha iwe n‑omotomu o hëënë, na naanyi no obhotoro koru gho Kirisito. ꞉Naaköriri hangʼu gho kobhabhoorera Abhakorinto kubha changuru che Ryobha nchehaarighibhu mo‑bhutöbhu. Wiiki nakobhabhoorera Abhakorinto ighoro e kobhatoori abhakumi bha Yerusareemu.