Omusörörö o kobhatoori abhakumi
16
Ibheere neghosiikëra ighoro e musörörö o kobhatoori abhakumi bha mo‑moghya o Yerusareemu.
Inyu wiiki mukörë kinya bhuno nebhabhooriire abhaato bha makanisa gha mo‑mukööwa o Gharatiya.
2 Chaasiko choose che Chumabhiiri,
a omooto woose ghate yaanyu abhe aratoora amamba kurëngʼaana na kebhuno akubhöna,
kubha eriibhagha rino nekuucha bhowaanyu,
mubhe mumariri ghokoma emisörörö.
3 Hano nekuucha,
nekobhatoma bhaare mookubha mwahwire ghate yaanyu,
bhahire chanyaarubha no omusörörö uyo mo‑moghya o Yerusareemu.
4 Aribha erarighibhu kubha eni woose neekubha bhoheene neghi,
mbe,
neeghuye haghirohamu nabho.
Obhorwachi bho Bhawuro ghuye Korinto
5 Nekuucha iyo bhowaanyu,
hano neekoru mo‑mukööwa o Maketoniya,
gho kubha nekwënda singa nehetere Maketoniya.
6 Hano nekuucha,
nyaghwisha neghwikara na niinyu kwo riibhagha nyarebhe,
hamu koru kwo riibhagha ryose re nyighita,
kubha munsakeri kwëndërëra no orughëndö roone,
hohoose hano neeghuye.
7 Nteekwënda nerighani na niinyu ibheere gho koheta hangʼu.
Neghwitëngʼëra ghwikara bhowaanyu eriibhagha nyarebhe,
aribha Omutëmi arasiigha.
8 Amare ibheere neghusaagha hano mo‑moghya o Ebheeso,
mbagha orosiko ro nyangi e Bhentekositib rohike.
9 Neghusaagha hano gho kubha,
Eryobha ndinköriire anchëra e ghuköra emeremo mekoro mo‑moghya uno,
nangabha bhaanyi‑ho abhaato bhaaru bhano bhakuhööcherera.
10 Timotewo araacha bhowaanyu,
momughënëhi bhoheene,
kubha ikare ataanyi na ahaho,
gho kubha iwe naghuköra emeremo ghe Mutëmi kinya eni.
11 Omooto wowoose atamutaraaha.
Amare momusakeri atanure iyo kwo murëmbë,
kubha atore ghugharuka ghokoone,
gho kubha eni nekomughanya haghirohamu na abhakumi bhaghëndi bhiito.
12 Ibheere,
ighoro e mokumi mughëndi wiito Abhooro,
nemusasaamiri chwee kubha ache bhowaanyu haghirohamu na abhakumi abhande.
Amare iwe tasiighiri inkongʼorimu kuucha ibheere.
Nakuucha eriibhagha rino akubhöna omweya.
Amangʼana gha kuragha
13 Mutëngë,
muköngʼëri mo‑bhokumi,
wiiki mubhe abhasubhesubhe na mubhe na changuru.
14 Amangʼana ghaanyu ghoose mubhe moraköra kwo bhosiighi.
15 Abhahiiri bhaane,
mweche kubha Siteebhana haghirohamu na abhaato bha mo‑ka yaache,
nibho ꞉bhaare a bhambërë komokumi Yesu Kirisito mo‑mukööwa o Akaaya,
nabho mbiiruusiri kobhatoori abhakumi.
Mbe,
nekobhasasaama,
16 mubhe morabhasooka abhaato kinya bhayo,
na abhande bhoose bhano bhaghuköra emeremo ghiyo haghirohamu nabho gho ghwiköngʼi.
17 Nichömiiru chwee eriibhagha bhiichiri hano,
Siteebhana,
na Bhoritunaato na Akayiko.
Ibho ꞉mbaaheere bhino nesuuhiiru gho ghiri yaanyu bhano motaare‑ho.
18 Mbasambaarokiri omotema waane,
wiiki mbasambaarokiri ne emetema gheenyu.
Gho ghayo,
mobhamënyë bhoheene abhaato kinya bhayo.
19 Abhaato bha makanisa gha mo‑mukööwa o Asiya,
mbakobhakëëri.
Akiira no omukari waache Bhirisira,
haghirohamu na abhakumi bhano bhahaatëmëërana mo‑nyumba yaabho,
mbakobhakëëri chwee gho ghughöötana no Omutëmi Yesu.
20 Abhakumi bhoose bha hano,
mbakobhakëëri.
Mobhakëëri bhahiiri bhiito bhoose kwo bhosiighani bho Kirisito.
21 Eni Bhawuro nebhaandëkiire amakëërani ghano gho kubhökö koone eni mwene.
22 Omooto wowoose uno atamosiighiri Omutëmi Yesu,
niihiimuru.
Omutëmi wiito nuuche!c