Anyaarubha e Bhawuro kwo
Bhabhiribhi
Obhukangati
Anyaarubha ino e Bhawuro omutamishi o Ryobha, ꞉naandëkiire eriikanisa rino reenyi mo‑moghya o Bhiribhi (1:1). Nekorighibhu kubha Bhawuro ꞉naandëkiri anyaarubha ino mo‑meeka 60–62 korwera hano Yesu Kirisito ibhoriiru. Eriibhagha riyo Bhawuro naare mo‑kibhöhö mo‑moghya o Ruumi (1:13–14). Bhawuro ꞉naabhaandëkiire Abhakirisito bhano ꞉bhaamokumiri Yesu Kirisito hano ahikiri bhowaabho mo‑rughëndö rooche ro kabhere na kuraghani Angʼana Anchömu. Abhakirisito bhayo nibho ꞉bhëërëkiri obhosiighi gho Bhawuro na komusakeri mo‑mënda ghaache.
Bhawuro ꞉naandëkiri anyaarubha ino kubha, abhiitabheri Abhabhiribhi kwo bhotoorereri bhoobho. Wiiki ꞉nëëndiri köbhëërëkërëri amangʼana gha ghuköra na kobhatoora omukörö kubha, bhabhe n-eghetuubhaani ke bhoghumereri kinya Yesu Kirisito are. Angʼana ayende n‑kobhashaangʼi bhatiishereri ameeghi amabhe gha Bhayahuuti ghano ꞉ghaaghëriri bhatooghwana na abhakumi mo‑riikanisa reebho.
Anyaarubha ino ꞉niimënyëkiine kubha n‑anyaarubha e ghuchömëru gho kubha moose yaache angʼana e ghuchömëru yigharokiire mara kaaru. Ghuchömëru kuyo ngokubhönëka mo‑bhaato bhano bhamokumiri Yesu Kirisito.