Amëërëkërëri ighoro e ghokwirana
7
Ibheere ˆneghasiikëra ighoro e mangʼana ghano monyandëkiire.
Mobhughiri kubha,
“N‑kumangi omosubhe atamisi no omukari.”a
2 Amare gho ghiri e ghwisacha ghuköra obhutaari,
omosubhe woose abhe no omukari waache omwene,
wiiki omukari woose abhe no omosubhe waache omwene.
3 Omosubhe abhe aramukörëra omukari waache kinya bhuno ekwëndëru,
wiiki omukari abhe aramukörëra omosubhe waache kinya bhuno ekwëndëru.
4 Omukari taanyi no obhotoro ighoro e mobhere waache,
amare omosubhe waache niwe anyi no obhotoro bhuyo.
Wiiki omosubhe taanyi no obhotoro ighoro e mobhere waache,
amare n‑omukari waache niwe anyi no obhotoro bhuyo.
5 Motiimana,
nanyinga aribha mwishereriini ghuköra hangʼu kwo riibhagha ighuhe,
kubha mubhönë omweya muchömu o ghusabha kwo Waryobha.
Moramara,
mugharukerane wiiki,
kubha Erishambu retaacha kobhasaki mukörë obhutaari gho kubha motaaghotora ghoghumereri.
6 Nebhabhooriire amangʼana gha kobhiisherereri ghutaana kwo riibhagha ighuhe gho ghiri e ghusabha,
taanyi gho kobhahaamereri.
7 Nengasiighiri abhaato bhoose bhabhe kinya bhuno eni neenyi,
b amare taanyi hangʼu gho kubha omooto woose Eryobha ndemoheere ekihaano keeche,
umu kino,
no owonde kiire.
8 Ibheere,
ˆnekabhabhoorera abhaghuru na bhano bhaanyi abhasino ghate yaanyu,
kubha n‑kumangi bhatakwira hamu ghokwiru,
bhabhe kinya bhuno eni neenyi.
9 Amare aribha motaaghotora ghoghumereri,
n‑kumangi bhakwire hamu ghokwiru,
gho kubha ngʼoni ghuköra hangʼu ghokera ghwighomba amiigha gha mobhere.
10 Mo‑bhano bhamariri ghokwirana,
nekaruusi amëërëkërëri.
Amëërëkërëri ghayo taanyi ghaghaane,
amare ngaruure kwo Mutëmi Yesu,
kubha,
omukari atataana no omosubhe waache.c
11 Amare aribha arataana nawe,
atakwiru no omosubhe owonde,
aribha taanyi hangʼu,
bhiishererani no omosubhe waache bhagharukerane.
Omosubhe woose,
atamotigha omukari waache.
12 Ibheere neghosiikëra na abhakumi abhande.
Amangʼana ghano nekobhugha n‑amiihëëbhö ghaane,
taanyi amëërëkërëri gha Mutëmi Yesu.
Aribha omosubhe omokumi,
nakwiriri omukari uno taanyi omokumi,
na omukari uyo niisheriiri kwëndërëra ghwikara nawe,
atamotigha.
13 Hangʼu hangʼu,
omukari omokumi,
aribha akwiruru no omosubhe uno taanyi omokumi,
no omosubhe uyo niisheriiri ghwikarana nawe,
atamotigha.
14 Neghosiikëra hangʼu,
gho kubha Eryobha ndekomosongʼaana omosubhe uno ataanyi omokumi,
gho ghiri e mukari waache.
Hangʼu hangʼu omukari uno taanyi omokumi,
Eryobha ndekomosongʼaana gho ghiri e mosubhe waache.
Aribha etangabheere hangʼu,
abhaana bhaanyu bhatangabheere abhaana bha Ryobha,
amare ibheere n‑abhaana bha Ryobha.
15 Amare omosubhe hamu omukari uno ataanyi omokumi arëënda ghutaana no omokumi uno akwirine nawe,
omotighe akörë hangʼu.
Hayo omokumi uyo taakubhöhu no obhokwirani bhoobho.
Amare Eryobha ndetobherekiire kubha tumanye kwo murëmbë.d
16 Iye omukari omokumi,
toghotora kumënya!
Hamu omosubhe waacho naghotora komokumi Kirisito gho ghiri e bhokumi bhoocho.
Hamu na niiye omosubhe omokumi,
toghotora kumënya!
Hamu omukari waacho naghotora komokumi Kirisito gho ghiri e bhokumi bhoocho.
Mumanye kinya mobherekiiru ne Eryobha
17 Omooto woose amanye kurëngʼaana na kinya Omutëmi amurëngiire,
wiiki mumanye kinya bhuno mobherekiiru ne Eryobha.
Hangʼu nibhu nekuraghereri mo‑makanisa ghoose.
18 Aribha omooto abherekiiru ne Eryobha amariri ghusaaru,
e asaaghe hangʼu hangʼu.
Wiiki,
aribha omooto abherekiiru ne Eryobha akeere ghusaaru,
asaaghe hangʼu hangʼu.
19 Ghusaaru hamu ghotigha ghusaaru ghotaanyi no obhwëra.
Egheghiro kino keenyi no obhwëra n‑ghughööta emeghiro ghe Ryobha.
20 Ibheere,
omooto woose asaaghe bhuure bhuure kurëngʼaana na kinya Eryobha ꞉reemobherekiire anyi.
21 Aribha Eryobha rekobherekiire onyi omusësë,
riyo retakunyaaki.
Amare aribha orabhöna omweya o ghwitoora huuru,
uhökëri omweya uyo.
22 Nebhughiri kubha riyo retakunyaaki,
gho kubha omooto uno are omusësë eriibhagha abherekiiru no Omutëmi,
uyo naanyi huuru kwo Mutëmi.
Nawe uno are huuru eriibhagha abherekiiru,
uyo n‑omusësë o Kirisito.
23 Moghoruru kwo riighori ikoro.
Gho ghayo,
motabha abhasësë bha bhaato.
24 Abhahiiri bhaane,
omooto woose asaaghe ambërë e Ryobha,
kinya bhuno Eryobha remobherekiire.
Amëërëkërëri kwo bhano bhakeere ghokwirana na kwo bhasino
25 Ibheere,
kwo bhaakë bhano bhakeere ghokwiru,
f ntighöötë amëërëkërëri koru kwo Mutëmi Yesu.
Amare nëköbhëërëkërëri kwo miihëëbhö ghaane,
eni uno neenyi omuhëënë gho changori che Ryobha.
26 Mbe,
gho kubha neenyi‑ho anyaako yaaru chaasiko chino,
nekwihëëbha kubha m‑bhoheene omooto asaaghe kinya anyi.
27 Aribha okwiriri,
ötëënda ghutaana no omukari waacho.
Aribha otaamara okwira,
ötëënda ghokwira.
28 Amare aribha orakwira,
tookubha uköriri amasari.
No omuukë woose,
aribha arakwiru,
taakubha aköriri amasari.
Amare bhayo bhaakubha bhakwiriine mbaakubha na anyaako mo‑riimanya re mo‑se ino,
na neeni nengasiighiri anyaako iyo,
etaacha kobhabhöna.
29 Abhahiiri bhaane,
nekwënda kobhugha kubha,
eriibhagha n‑ighuhe reghasaagha,
mbagha Kirisito agharuke.
Korwera ibheere bhano bhakwiriri bhatighe kwihëëbhëra abhakari bhaabho okwene,
amare bhakörë emeremo ghe Mutëmi.
30 Wiiki bhano bhakorera,
bhabhe kinya bhano bhataakorera,
na bhano bhaghuchömëru,
bhabhe kinya bhano bhataaghuchömëru,
na bhano bhaghoghora ebheghiro,
bhabhe kinya bhano bhataghöötë egheghiro.
31 Abhaato bhano bhakunyaaka na amangʼana gha mo‑se ino,
bhabhe kinya bhataakunyaakera bhobhe amangʼana ghayo,
gho kubha ase ino kinya tokoyerighi ibheere,
nekoheta.
32 Nekwënda motabha na ahaho ighoro e mangʼana gha riimanya rino.
Omooto uno akeere ghokwira,
nahahöki emeremo ghe Mutëmi,
nakwihëëbha kinya bhuno akomotegheri Omutëmi.
33 Amare omooto uno akwiriri,
nahanyaakera amangʼana gha riimanya re mo‑se ino,
ariituuri kinya bhuno akomotegheri omukari waache,
34 amiihëëbhö ghaache ngaakubha chambaara ibhere.
Nawe omukari uno atakwiruru,
koru omuukë uno atamweche omosubhe nahahöki emeremo ghe Mutëmi kubha abhe omutööbhiyu mo‑mobhere na akörö.
Amare omukari uno akwiruru,
nahanyaakera amangʼana gha riimanya re mo‑se ino,
ariituuri kinya bhuno akomotegheri omosubhe waache.
35 Neghosiikëra amangʼana ghayo kwo bhwëra bhoonyu,
taanyi kubha nekwënda kobhahööchërëra.
Nekwënda kubha mubhe moramanya kinya bhuno ekwëndëru,
mubhe moramuhökëri Omutëmi kwo mukörö woose.
36 Omooto wowoose uno akorighi kubha taanyi bhoheene atighe komokwira omuukë uno arwachiire obhuku,
wiiki aribha aghokindu na amiigha gha mobhere,
g wiiki nakorighi kubha nekwëndëru bhakwirane,
akörë kinya bhuno akwënda.
Hayo taakubha aköriri eriisari.
37 Amare aribha omooto achëmëëtiri mo‑motema waache omwene kubha taaghokwira,
na ghetaanyi‑ho egheghiro kino ghekomuhaamereri ghokwira,
wiiki naghotora kuhööchërëra amiigha gha mobhere waache,
mbe,
naakubha aköriri bhoheene ghotigha ghokwira omuukë uyo.
38 Gho ghayo,
uno akwënda komokwira omuukë uno amorwachiire obhuku,
naghuköra bhoheene.
Nawe uno akubha atighiri komokwira,
naakubha aköriri bhoheene chwee.h
39 Omukari uno akwiruru,
nahaabhöhu mo‑bhokwiru eriibhagha ryose hano omosubhe waache akubha anyi omuhöru.
Amare aribha omosubhe waache araku,
hayo naakubha huuru ghokwiru no omosubhe wowoose uno akwënda,
amare omosubhe uyo abhe omokumi o Mutëmi.
40 Amare ngʼoni omukari uyo asaaghe anyi omosino,
ghokera ghokwiru.
Ghayo n‑amiihëëbhö ghaane,
wiiki neghwituuri kubha eni neenyi na Akörö e Ryobha ino eghunkangata ghosiikëra amangʼana ghayo.