Yunu
Pepongkaa lolita
Sura ide montani hai sura au rauki nabi ntanina i Sura Malelaha, lawi bara moihi bambari au rapahawe nabi. Sura ide mampololita pea apa au mewali i watana Yunu tempona bara mampeulai hawana Pue Ala. Yunu Natudu Pue Ala bona lao i Niniwe, pohudaa kadatua Asuri, iwalinda to Isaraeli. Agaiana Yunu bara mau lao i wanua iti bona mopahawe hawana Pue Ala, lawi naisami ane to Niniwe mokabahahe babehianda au kadake, wanua iti bara ina nagero Pue Ala. I tempo iti, Yunu narumpa rai bahangkia pakana kapari hai nahorema Pue Ala, hangko moulari hawana Pue Ala, agaiana ia masodo lawi Pue Ala bara mewali mogero wanua Niniwe.
Sura Yunu ide mampololita noumba kamakuasana Pue Ala i ope-ope au Nababehi. Hai sura ide wori mopakanoto noumba kamahilena ahiNa hai peampungina Pue Ala irikita. Naunde moampungi hai mohorema wanua Niniwe, kehapiri wanua iti mampoiwalihe taunana Pue Ala.
Ihi sura
1. Yunu bara moula hawana Pue Ala (1:1-1)
2. Pekakaena Yunu (2:1-10)
3. Yunu moula hawana Pue Ala (3:1-10)
4. Pue Ala mopatongawa ahiNa i Yunu (4:1-11)