Pue topekampainda to Isaraeli
121
1 Idemi nani polumaonda tauna lao i Yerusale.
Metotokina i wowo-wowo bulu;
hangko iumba ina mai petulungi iriko?
2 Petulungi iriko mai hangko i Pue,
au mampopewali langi hai tampo.
3 Barakau Napalikangaa manawo
topekampaimi iti bara ina leta.
4 Tou mpuu, bara ina tekaleli ba leta mposo
Topekampainda to Isaraeli.
5 Pue iami Topekampaimi
Pue iami peongaami ntanda i koanami.
6 Barakau ina nahaingi alo ane mabaa
ba wula ane kaindi.
7 Pue ina mokampaikau hangko i hinangka rugi silaka
Ia ina mokambi tuwomi.
8 Pue ina mokampaikau
mepongka i kapadumi hawe i pesulemia,
ide-ide hawe i hae-haena.