Mampekakaea Yerusale
122
1 Idemi nani polumaonda tauna lao i Yerusale au nauki Daudi.
Matana lalungku ane tauna manguli iriko node,
“Maiko, laoke i souna Pue.”
2 Ee Yerusale,
ide-ide meangkamongkai i babakamu.
3 Yerusale raaro mewali wanua au maroho
au tedede maroa hai merae.
4 Inditimohe lao taunana Pue,
hantina-hantina laohe
mopahawe katana lalunda i Pue
moula atura i to Isaraeli.
5 Lawi inditimi kadera pebotusia,
pohudaanda Daudi hai pemuleana.
6 Hangangaa nipekakaea Yerusale
bona molambi roa ngkatuwo:
“O, Yerusale, kuharunga tauna
au mampokakaiako molambi roa.
7 Kuharunga roa ngkatuwo ara i lalu walamu
hai kalene i lalu bentemu!”
8 Anti hahalalungku hai hihimadangku,
ina mohowarana, “O Yerusale,
kuharunga roa ngkatuwo mendaulu irio!”
9 Anti pampokakaiangku souna Pue,
Kuharunga Pue Ala au tapenombai,
ina mowei hinangka au maroa irio.