Pekakae merapi tulungi
120
1 Idemi nani polumaonda tauna lao i Yerusale.
I lalu paringku meraroana i Pue,
hai Nahanaina.
2 O Pue, kabahana
hangko i topodongko
hai topeakalangi.
3 Ee topeakalangi,
apa au ina nababehi Pue Ala irikamu?
Pehuku apa au ina Natambaiaakau?
4 Ina rahukukau hai pananda tadulako au mataru
hai awaa kau matua.
5 Marugimona lawi hangangaa maidana nodo torare i Mesek
hai tuwona i bambarunda to Kedar.a
6 Mahae gagamona maida
hihimbelahe hai tauna au mokahihihe podame.
7 Kuunde mohaoki kahintuwu,
agaiana i tempoku mampololita pohintuwu
ihira mounderahe pombeala.