Pekakae merapi petulungi
70
1 Idemi nanina Daudi au napahawe i tadulako toponani. Nani ide raponani i tempona mohuhu popenomba pepopainga i Pue Ala.
2 O Pue Ala, holigana Nuhorema!
Tulungi wongkoia, O Pue,
3 bona tauna au ina mopapatena maeahe,
hai mahawuhe melangka kaiumba-umbanda,
hai tauna au mohaokihe kamarugiangku
ina rapapakoi hai mousulihe.
4 Tauna au moele-elena,
Nupogiangaahe tingkara hai maea.
5 O Pue, kuperapi ope-ope tauna
au mohaokiKo, matanahe hai rapolingaKo.
Hai tauna au meharunga i pehoremaMu
ina mololitahe, rauli, “Meawa mpuu Pue Ala.”
6 Agaiana ide iko maparina hai meahi-ahina.
O Pue Ala, holigaKo mai;
Oiomi au motulungina hai mohoremana;
O Pue, ineeKo mawewe mai!