Pekakae i lalu pombeala
54
1 Idemi nani pepaturona Daudi au napahawe i tadulako toponani au raponani hai kecapi.2 Nani ide nauki i kalaonda to Sifi mopahawea Datu Saulu, “Daudi mentabungi irikami.”*
3 O Pue Ala, Nuhoremana anti kamakuasaMu;
Nupatongawa kamanotongku anti kamarohoMu.
4 O Pue Ala, Nupehadingi pekakaengku,
Nuhaile lolitangku!
5 Lawi rabungkana tauna au mampemahile,
hai rahaokina rapapate tauna au mantintidorahe.
Barahe mobila-bila Pue Ala.
6 Pue Ala mpuumi topetulungingku,
Pue Alami au moharongina.
7 Kuperapi Ia mohukuhe iwalingku hai dakenda haduduanda,
hai Naropuihe lawi ahiNa bara ope iriko.
8 Ina mohuhuna popenombaku Irio i suka kabulana lalungku;
O Pue, ina kutoia hangaMu anti kamaroaMu.
9 Lawi Nuhoremana hangko i ope-ope kapari
hai moitana iwalingku ranangi.