Pehuku i tauna au madosa
52
1 Idemi nani pepaturona Daudi au napahawe i tadulako toponani2 i kamaina Doeg, to Edom iti, mopahawe i datu Saulu kahawenami Daudi i souna Ahimele.a
3 Ee tokeate, moapari hai mampampemahileiko dakemu
i tauna au napokaahi Pue hahangaloa?
4 Meakalangiko, mampepekiri peako dake;
Dilamu nodo ladi popekou
au mataru.
5 Mounde peako dake melumbu hangko i roa
hai dongko melumbu hangko i lolita au tou.
6 Moundeko hinangka lolita
au mepopohiho
hai mopakoinaoko lalu tauna;
topeakalangi mpuuko.
7 Agaiana ina napamapariko Pue Ala i hae-haena,
ina rahakako hai rapopesuwuko hangko i soumu, hai rapatunako hangko i tamponda tauna au tuwo!
8 Au mewali iti ina raita ope-ope tauna au manoto hai rapotingkara,
raele-ele, rauli,
9 “Peita tauna iti au bara meharunga i Pue Ala,
au moharunga pea kapebukuna
hai mopaisare pearai katuwona i anu-anu au naperampai.”
10 Agaiana iko, nodona kau saitun au marudu
i lalu souna Pue Ala;
mampoinalai liliuna kamaahina Pue Ala
hawe i hae-haena.
11 Mopahawena kamatanangku Irio i hae-haena,
lawi hinangka au Nubabehi maroa.
Mepoinalaina i hangaMu au maroa
i lindonda taunaMu au Nupokaahi.