43
1 O Pue Ala, Nupatongawa notongku,hai Nuperuruina hangko
i pekakabosainda tauna au barahe menomba i Pue Ala.
Kabahana hangko i tauna au meakalangi hai au motengko laluna.
2 Lawi Oio pea, Pue Ala panggaguangku;
Moapari hai Nutendena?
Moapari pane mantodihana
i pepopeahi-ahinda iwalingku?
3 Patongawa kamanotoMu
bona iti au moninina
hai moantina i bulu Sion au malelaha,
bulu au Nupaidai!
4 Hai ina laona i meja pohuwea popenomba i Pue Ala,
menomba i Pue Ala, pentumbuana kamatanangku.
O Pue Ala au kupenombai,
moorena wamba pepomahile Irio hai kecapi.
5 O tanoanangku, moapari hai mapari gagako?
Moapari hai wiorako?
Peharungamide i Pue Ala, lawi ina motoia mbulina Pue Ala,
Topehoremangku au kupenombai.