Tauna au hintoto i lindona Pue
Nani petoiana Daudi
15
1 Pue, hema au peisa maida i souMu?Hema au peisa tuwo i buluMu au malelaha?
2 Iami tauna au bara ara dakena,
au mobabehi roa
hai au mohowara apa au tou hangko i laluna mpuu.
3 Iami tauna au bara moanti-anti lolita,
au bara mobabehi dake i hangka rangana,
hai au bara mopakanawo hintonggina.
4 Iami au bara modoko tauna au naae Pue,
agaiana moadai tauna au mengkoru i Pue;
hai ia mopabukei dandina, nauri marugi.
5 Iami tauna au mokira doina rapebolo,
agaiana bara napopoana.
Hai ia bara modoko pepaimpohi
bona mopakanawo tauna au barahe masala.
Hema pea au mobabehi nodo, katuwona ina maroho peangkana i hae-haena.