Pekakaena tauna au mantodiha i lalu kapari
13
1 Idemi nanina Daudi au napahawe i tadulako toponani.
2 O Pue, hangkia mani kamahaena naliuna inaoMu?
Hangkia mani kamahaena Nupentabungiana?
3 Hangkia mani haena kabata-batana lalungku ide,
panena mantodiha parilalu i alo-alona?
Hangkia mani kamahaena rapopeahi-ahina iwalingku?
4 O Pue Ala au kupenombai, Nukamatana hai Nuhanai pekakaengku.
Nupopewangka matangku datina mate.
5 Ineehe Nupogiangaa iwalingku mololita, rauli, “Ia kinangimi”,
hai ineehe Nupalikangaa tauna au moewana mogee-geekina anti kamanangingku.
6 Agaiana, iko meharunga peana i ahiMu au bara mokahopoa.
Matana mpuu lalungku, anti pehoremaMu.
Monanina motoia Pue, lawi tongawami kamaroana laluNa iriko.