Pekakae merapi tulungi i Pue Ala
12
1 Idemi nanina Daudi au napahawe i tadulako toponani bona raponani moula kontuna kaualu.
2 Nutulungingkai Pue, lawi opemohe tauna au manoto lalunda,
hai tunamohe tauna au mengkoru liliu Irio hangko i olonda manusia.
3 Mombepodongkoahe hadua hai hadua,
meore-ore pololitanda hai lalunda mopenga.
4 O Pue, Nupuleki humenda au meroroasi,
hai dilanda au mampemahile Nubohoki.
5 Nodemi pololitanda, “Hai lolitangki pea, peisangkai menangi.
Apa au kiunde kiuli, itimi au kihowara. Bara ara au makuasa irikami.”
6 Nauli Pue, “Anti karapopeahi-ahinda tauna au malede
hai peraroanda topeahi-ahi Iriko,
maiNa mohoremahe moula apa au raharunga.”
7 Dandina Pue manoto hai peisa rapoinalai,
nodo salaka au rahowu
pitu belana i lalu pohowua.
8 O Pue, Oio au mokadipura katuwongki,
Oio au ina mokampai liliungkai hangko i tauna au kadake iti.
9 Tauna au kadake arahe iumba-umba pea,
kakadakenda rapomahile tauna bosa.