Pue Ala mampopeawa manusia
8
1 Idemi nanina Daudi au napahawe i tadulako toponani bona naponani moula nanina Gitit.
2 O Pue au kipenombai,
kuasaMu tebambari i humalele dunia,
peawaMu moliungi kamapangkana langi.
3 PeawaMu iti raponanihe anangkoi hai analei.
Nuhuami arii poparentaMu au maroho hai bara moenggo
bona mampopekamuntuhe iwaliMu hai topepailalu.
4 Ane kutotoki langi au Nupopewali,
wula hai betue au Nuwolimi i paidaanda,
5 apa woia pae manusia pane Nukatuinao?
Apa pae ana manusia pane Nukadipura?
6 Agaiana manusia Nupopewali ina himbela hai Oio, Pue Ala.
Nusongkoi hai peawa hai pebila.
7 Nuwei kuasa iria i ope-ope au Nupopewali.
Nupopengkoru hinangkana iria,
8 tepesua dimba, japi
hai ope-ope binata i pada,
9 hinangka tadasi i laerawa,
ikane hai ope-ope binata i lalu tahi.
10 O Pue, Pue Ala au kipenombai,
peawaMu tebambari i humalele dunia.