Pekakae i lalu kapari
6
1 Idemi nanina Daudi au napahawe i tadulako toponani bona raponani hai kecapi moula kontuna au kaualu.
2 Pue, ineena Nuhuku i lalu kamasodoMu,
hai ineena Nukandangi i lalu karumpuMu.
3 Pokaahi wongkoia, O Pue, lawi mantodihana,
pakaohana, O Pue, lawi buungku morada hahamohe.
4 O Pue, wulunga mpuuna.
Hangkia mani kamahaena Nupalehina?
5 Pesule mai, O Pue, Nukabahana;
horemana anti kamaahiMu au bara mokahopoa.
6 Lawi i lalu kapate barapi ara tauna au mokatuinaoKo.
Hema mani au peisa mopahawe katana lalunda Irio i dunianda tomate?
7 Molipemona lawi meraroa liliuna;
Wengi-wengina paturuangku napolimboi owai matangku;
owai matangku molaboa pengkadampaku.
8 Matangku morou anti kakoina inaongku;
wurami petotokingku anti kabosanda iwalingku.
9 Nikaraohimona, ope-opekau au kadake,
lawi poteriangku napehadingimi Pue.
10 Pue mampehadingimi peraroangku;
Pue modokomi pekakaengku.
11 Ope-ope iwalingku ina maeahe hai rumihi katingkaranda;
ina mousulihe hai molambi ngkasarahe ea.