Pekakae kaindi
4
1 Idemi nanina Daudi au napahawe i tadulako toponani bona raponani hai kecapi.
2 O Pue Ala, ane meraroana, hanai wongkoia,
O Pue Ala, au mamperuruina.
I tempoku mapari, Nungaahi wongkoia.
Nupokaahi wongkoia, hai Nupehadingi pekakaengku!
3 Ee! Ope-ope tauna,
hangkia mani kamahaena modaihikau hangaNgku?
Hangkia mani kamahaena mohaokikau au mbero-mbero
hai mowulaikau au bara tou?
4 Bona niisa, Pue mopileimi hadua au Napokaahi.
Ane meraroana Iria, Napehadingina.
5 Kehapirikau rumpu, agaiana ineekau mobabehi dosa.
Niparesa lalumi i paturuami, agaiana mandii-ndii peakau.
6 Huhumide popenomba au tou,
hai mepoinalaimokau i Pue.
7 Bosa tauna mekune, “Hema au ina mowatike?”
O Pue, pogiangaa pewangkaMu mosimbakingkai.
8 Nuweimona katana lalu au melumbu hangko i tauna
au ngkaia polambinda pare hai anggoro.
9 Maturuna hai leta mposona,
lawi batenami Pue au mopalene katuwongku.