Pekakae Madondo
3
1 Idemi nanina Daudi i tempona melangka hangko i Abisalo, anana.
2 O Pue, bosahe tauna au mampoiwalina;
bosa mpuuhe tauna au moewana.
3 Bosa tauna mololita kana iriko,
rauli, “Barapi ara petulungi hangko i Pue Ala iria.”
4 Agaiana Pue, Oiomi labangku au mokampaina.
Nuweina penangi, hai Nupakaroho lalungku.
5 Mokakiona Pue masisimbuku,
hai Nahanaina hangko i bulu au malelaha.
6 Maturuna hai leta mposona,
hai mearo mbulina, lawi Pue mokampaina.
7 Barana langa i iwalingku au ipulona sabuna,
au motolibuna mantoleli.
8 O Pue Ala au kupenombai, horema wongkoia!
Nupakaeamohe iwalingku,
hai Nupamaledemohe ope-ope.
9 Hangko Irio, Pue, ara petulungi.
Nuwatihe taunaMu!