3
ओयो जाहा तुमु मसीहा आरी जीवाडल्यु गोयो ओ ती होरगाआ वस्तु होड़ में रोआ जीही मसीह विद्यमान होय परमेश्वरा आ डाखरी वोगे बोह्ल्यु होय 2 होर्गामेऱ्ये वस्तूबद्दल फूस कोईत रो भौतिक सामानोकोता फूस कोहू नाहा 3 काहाके तुमु आखाआ जुनो व्यक्तिमत्व मोअये होय आना तुमाआ जीवोन ख्रीस्ताआरी परमेश्वरामेहे लीकाल्यो होय 4 जाहा ख्रिस्त, जे आमुहू जीवोन फासी प्रकट उवे ताहा तुमु पोन त्याआरी त्याआगैरवात प्रकट उवे 5 याकोअता का तुम्हामे जे थोडे जगोआ होय तिया आखिर कोईत दया व्यभिचार, अशुद्धता, वासना, वाईट इच्छा, आना लोभीपण जे मुर्तीपुजिलोहोए एक प्रकार होय 6 याआ गोठीरी परमेश्वराआ राग प्रकट उवनारा रोतो 7 एक वेल ओती जोवे तुमु पण एहलो काम कोईत त्यामेरयो जीवोन जगत ओते 8 पोन ओमे याआ आखे गोठीरी राग , झुंजलाहट, शत्रुता, निंदा भाव आना अपशब्द गोगीत सुटीत मिलवीत घेणे 9 तुमु पेहला खोटो गोगू नाहा काहाके तुमु आपाआ जुनो जीवोन व्यक्तित्व त्याआ कामाआरी टाकीत आपिलू होय 10 आना नवो व्यक्तित्व काल्ये होय जे आपाआ निर्माणकर्ता आ स्वरूमेहे स्थिर ओतगोल्यु परमेश्वराआ आख्यो ज्ञानात कायम नवो उवनारा जातेहे 11 परिणाम स्वरूप त्याजागे यहुदी आना गौरयहुदी यामेहे थोडे अन्तर रोला नाहा न कोडु सुंता युक्त आना सुन्तारहित माय असभ्य आना बर्बर माय ऐ पावर ऐ एक स्वातंत्र्य व्यक्तीम थोडे तेबी अंतर होय ख्रिस्त आखे कोय होय आना कोय विश्वासी माहुंमे तियाच निवासाहा होय 12 काहाके तुमु परमेश्वराआ निवडील्ये गोये होय याकोअता सहानुभूती दया नम्रपणा, कोमलता आना धीरज तोईत रो 13 तुमु आपामेर्यो जाहा केधी कोडाआ थोडी मेहनत होय ताहा एक दिहीराहा सहन कोईत दया आना परस्पर एक बिअराहा क्षमा कोआतुमु दिहीराहा एहलो क्षमा को जेहलो परमेश्वराने तुम्हामे मुक्त पायाहोवांही क्षमा कोल्यो होय 14 आव गोठी व्यातीरिक्त प्रमोमेहे पण रो प्रेम होय का आखाहा आपामे बांधीत मिकोके आना पुरोओत कोअत्लू 15 तुमाआ मनापो ख्रीस्ता वूगेरोत ह्नारो शांतीई अधिकार होय याआ याकोअता तुम्हामे तियाच डोलोहो हादाडल्यो होय कायम धन्यवाद कोईत रो 16 आपाआ होपन्नाआरी ख्रिस्ताआ प्रचार तुम्हामे वास कोआ रोटू, महिमा, आना आत्म्याआ गीते गावित वोडो विवेकाआरी एकाबिहराहा शिक्षण आना निर्देश आपित रो 17 आना तुमु जे थोडे मुडोपो किंवा कोइलो ते आखे प्रभू येशूउ नावामेहे होय त्याज त्यापोरत तुमु हरएक टायमोमें आपाआ आबहू परमेश्वराआ धन्यवाद आपित रो 18 ऐ बोहीही , आपाआ माट्योह आधीन एह्लाप्रमाणे रो जेहलो प्रभूहु योग्य होय 19 ऐ डोहाआ , आपाआ लाडीआ प्रेम को त्याकोअता कडक ओवुहू नाहा 20 ऐ पोरयां, आखे गोठीमेहे आपाआ आयहि आबाहा आज्ञा पालीत को काहाके ओ प्रभूहु संतोश कारक होय 21 ऐ आबाहा, आपाआपाआ पोऱ्याहा आडीनारो अनु नाहा लेतआविलो ताहा ते खिन्न उवे 22 ऐ सेवाकांनो, आपाआ संसाराआ मालक्यूओ कोअलो उनाआ फक्त माहुंहु प्रसन्न कोइलाकोता त्याआ वेले नाहा जाहा ते पालिलो पोन खोरो मोनाकोईत त्याआ उनाआ काहाके तुमु प्रभूआ आदर कोअता 23 तुमु जे थोडे मुडोपो आपाआ आखे मोनाकोईत ह्याप्रमाणे नाहा का तुमु तिया माआहुकोअता कोअता पोन प्रभुकोअता कोअता ह्याप्रमाणे को 24 ह्याप्रमाणे ओर मेका का तुम्हामे प्रभूपासून वतन रूप प्रती फोल जोडीत आपाआ मालिक ख्रिस्त याहा सेवा कोईत रो 25 काहाके जो वाईट काम कोअनारू त्याहा तिया फोल जोडीत आना त्याकोता थोडो पक्षपात नेओय.