कुलुसी च्या पत्र 2

माआ इच्छा होय का तुमु जाईत लेवा का तुमाआ आना अखाआ कोअता जे माआ शारीरिक मुख नाही पाल्यो आय केहलु मेहनत कोअहो 2 याकोअता का त्याआ मनाहे प्रोत्साहन जोडी ते परस्पर प्रेमाम बानदल्यो जालो तेहलूज विश्वासाआ जो आख्यो धन जो खोरो ज्ञानाने जोडयो ओते त्याहा मिलुजोवे तेहलूज परमेश्वराआ गूढ पुरो खोरो त्याहा जोडयो उवे तो गूढ पुरो खोरो स्वतः ख्रिस्त होय 3 ज्याम बुद्धी आना ज्ञानात आखी निधी लिकाली होय 4 एहलो आय याकोअता कोतलू का कोडु तुम्हामे गुल्यो- गुल्यो तर्क पुरो युक्त्या आपित धोखा न आपे 5 जेबी आय ज्ल्मामेहेआवली रुपोमे तुम्हामे नाहा पोन अध्यात्मिक रुपोमे आय तुमापोओ होय आय तुमाआ जिवनाआ अनुशासन आना ख्रिस्तामेहे तुमाआ विश्वासाआ दृढता पालीत आय खुस होय 6 याकोअता का जेहलो येशुहू ख्रिस्त आना प्रभू ऊ रुपोमे ओ ग्रहण कोल्यो होय तुमु तीयाम तेहलूज बोणीत रो 7 तुमाआ जोड त्याज माय रोहीनाआय तुमाआ विकास त्याहाम होय तेहलूज तुमु आपाआ विश्वासामेहे दृढता मेलवीलो रो जेहलो तुम्हामे हिकाड्ये गोये होय परमेश्वराआ प्रती जाहाकोज आभारी रो 8 ध्यानाम मेका का तुम्हामे आपाआ तिया भौतिक विचारकोईलो आना खोल्यू प्रंपजाने कोडु धोखा न जोळे जे माहाह पंरपरा त्यापोरोत जोडयो ओतु जे ब्रम्हांडला अनुशासित कोनारी आत्माआ आपही होय न ख्रिस्ताआ 9 काहाके परमेश्वर आपाआ आख्यो ताने सदैव त्याहाम निवासाहा कोईत रोतो 10 आना त्याहाम स्थिर ओतगोल्यु तुमु पुरोओत बोन्यो होय तो हरएक शासक आना पुढाऱ्याचा शिरोमणी होय 11 तुमाआ सुंता बी त्याहाम पोयो होय ए सुंता माहाहा ओतु कोईत संपन्न उवी नाहाकोईत ए सुंता जाहा तुमु तुमाआ पाप पुरो माहू प्रकृतीऊ प्रभावही सुटीत आपिला आवयी ओती तेहालाम ख्रीस्ताद्वारे संपन्न उवे 12 ओ याकोअता उवे का जाहा तुमु बाप्तिस्मे माय त्याआरी रेट्यो गोये तेहालाम ज्या परमेश्वराने त्याहा मोइलमरोत जिवंतु कोल्यो तिया परमेश्वराआ कामोम तुमाआ विश्वासा त्याआरी फासी जिवंतु कोल्यू गोये 13 आपाआ पापांआ आना सुंता रोत्लू डीलोवाही तुमु मोल्या ओते पोन तुम्हामे परमेश्वराने ख्रीस्ताबरोबर जीवोन प्रदान कोल्यो तेहलूज आम्हा आखे पापापोरोत मुक्त रुपोमे क्षमा कोल्यो होय 14 परमेश्वराने तिया अभिलेखला आमामेरोत टाकतग्येल्यू ज्याम तिया विधीही उलेख कोल्योओ गोल्यो होतुजे आमुहू प्रतिकूल आना आमुहू विरूध ओते तिये त्याहा खोलोवाही कृसापो सोडवीत देदलो 15 तिये सताधीशाना ऐ अधिकाऱ्यांना नाडीदेदु त्यांविरुद्ध वधस्तभापोओ जायोत्सव कोईत त्याआं उघड -उघड प्रदर्शन कोल्यो 16 त्याकोता खाआलोपीआलो वस्तु किंवा पूर्वी नवो चांद के पर्व किंवा शबाथ दिह्याहा लेत कोडु तुम्हामे आवोह न कोईओलो 17 ओ ताहा ज्या गोठी उवे होय त्याआ सावलू पो होयपोन आव सावलु वास्तविक काया ताहा ख्रिस्ताआ च होय 18 कोडु मांहु जो स्वतःहा प्रताडीत कोनारी काम किंवा स्वर्गदूत उपसनाआ कामोम लागाडीत होय त्याहा तुमु तुमाआ प्रतिफलो मेलविलो बाधक न बोनीलाकाजे आपिलो एहेलू माहहू कायमच तिया दिव्य दर्शनाआ डिग देत रोत रोतो ज्याहा तिये पालील्यो होय आना आपाआ जुगाआ रीतीवाही विचारमाकोतो खोरो अभिमानाने पोल्यो रोतो 19 तू स्वतः ख्रीस्तामाआ आधीन मेकीत नाहा जो मुख्य होय जो जोड़ो आना नखं संबंधाने तेहलूज समर्पित ओतगोल्यु आखे डीलाआ उपकाराआ कोईत रोतो आना तीयावाही आध्यात्मिक हाजाकोता अनुभव ओत रोतो 20 काहाके तुमु ख्रीस्ताआरी मरण पाण्यो ओते आना संसाराआ बुनियादी शिकल्यापरत सुटीत आप्यू गोल्यो होय तेबी याआ प्रकारोअओ आचरण काहा कोईत होय जेहलो नाहाकोत तुमु आव जगाआच होय आना एहलावाही नियमांची पालीत कोईत होय 21 याहा आथे लागाडहु नाहा , याहा चव चाखू नाहा , किंवा याहा स्पर्श कोहू नाहा 22 ई आबी वस्तु ताहा काम कोईत- कोईत नष्ट उविलाकोअता रोतेहे एहलो आचरण व्यवहारूम तुमु तेईतले कोईत तुमु मांहाआ बोनाड्ल्ये आचरण आना शिक्षणच अनुसरण कोईत होय 23 मानवाहि भक्ती आपाआ डीला प्रताडीत कोईत आना आपाआ कायाला मेहनत आपित संबधित नियम ओ बुद्धीपोओ आधारित प्रतिक उवनारा होय पोन वास्तव माय आव मुल्यांअ थोडी किमोत नाहा ओ नियम ताहा माहुंहु पापपुर्ण त्याआ माहू प्रकृतीमेहे लागाडी आपत्ले.