PHILIPPIANS
फिलिपि च्या पत्र
1
मसीह यीशु उ दास पौल वोगेरोत आना तिमुथियुसाआ वोगेरोत आखे पवित्र माहाआ नावामेहे जे मसीह यीशु मेहे फिलीपीई मेहे रोत ओ अध्यक्ष सो आना सेवको ओ आरी 2 आमाआ आबहू परमेश्वर आना आम्हा प्रभू येशुमेहे तुम्हामे कृपा, शांती जोडयो ओवो 3 आय जाहा तुम्हामे ओर कोअत्लू तेहालाम- तेहालाम परमेश्वराआ धन्यवाद आपित रोतो 4 माआ हरएक प्रार्थनाम आय आनंदावाही तुम्हाकोअता प्रार्थना कोअत्लू 5 काहाके पाल्या दिवसापोरोत ओमेजा सुवार्ता प्रचारामेहे तुमु माआ मदतकोअनारे रोल्या होय 6 माहु याआ गोठीपो पुरो भोरुसो होय का ज्या परमेश्वराने तुम्हामे एहलो जे उत्तम कामाहा सुरवात कोअयी होय ते तिया दिहेजा राखीत मेकिलो, जाहा येशु ख्रिस्त आवे ते पुरो कोअही 7 तुमु आखाज माकोअता एहेलू फूस ठीक होय काहाके तुमु आखे माआ मोनामे होय आना केवळ त्याआ वेले नाहा का आय जेलूम ओतू पोन तह्लाजमेहे बी ज्यावेळेस आय सुवार्ता राखिलो कोईत रोतो , तुमु आखे यामे विशेष अधिकारी रुपोमे माआ कृपावाईहि सहभागी उवे होय 8 परमेश्वर माआ साक्षीदार होय का आय तुमाकोता कासावीस रोत रोतो 9 आय ओच प्रार्थना कोईत रोतो का तुमाआ प्रमोओ नजरोम आना ज्ञानाने तुमु वोदिते जालो 10 ऐ गुण मिलवीत हाजू-खाराब यामेहे अंतर कोईत कायम जे हाजो होय ते लेधलो ह्याप्रमाणे तुमु पवित्र बोनणारू, जेव्हा येशु ख्रिस्त आविलो होय 11 येशु ख्रिस्ताआ कृपा मेलविनारू तेहालाम तुमु उत्तम काम कोअनारू ज्याआपोरोत देवोहो गौरव मिल्यो होय ऐ त्याआ महिमा उवे 12 ऐ पाहीही, आय तुम्हामे कोहू इच्छितो का माआरी जे किबी उवे होय तीयावाही सुवार्तेला वोद उवे 13 परिणामी संसाराआ आखे सुरक्षा दल तेहलूज बिहरे आखे माहे यांहा मालूमे उवे का माहु ख्रिस्ताआ अनुयायी एह्लोकारनावाही कैदी बोनाड्ल्ये होय 14 आना प्रभू मेहे जो पाही , त्यामरोत अधिकतर माआ कईद मेहे होय कोईत धीरावाही सुवार्ता निर्भयतावाही कोल्यो ओते. 15 ऐ खोरो का त्यामरोत किबी हेवाकोइत वैर्भावाने सुवार्ता कोल्यो होय परंतु थोडे माहे सद्भावनेने ख्रिस्ताआ सुवार्ता कोल्यो रोतेहे 16 ऐ माहे प्रमोवाही एहलो कोअता काहाके त्याहा मालूमे होय का परमेश्वराने सुवार्ता वसाडिलोकाजे माहु इंही मेकल्ये होय 17 पोन थोडे माहे सत्याने नाहा पोन स्वार्थी स्वभावोवाही ख्रिस्ताआ प्रचार कोईत रोतेहे काहाके ते फूस कोअता का ह्याआरी ते जेलूम ते माकोअता मेहनत निर्माण कोहू सेकेहे 18 पोन ह्याआरी किबी फरक उवनारा नाहा महत्वाओ ऐ होय का उनाआ ठोगोहोस अथवा बिहीरा ठोगोहोस तो हाजू संदेश होय किंवा वाईट होय तो ख्रिस्ताआ होय आना तीयावाही माहु आनंद मिलीअलो रोही 19 काहाके माहु मालूमे होय का तुमाआ प्रार्थने त्यापोरत आना तिया त्यावाही जो येशु ख्रिस्ताआ आत्मावांहि जोडयो ओते परिणामी तीयावाही माहु सुटीत मिले 20 माआ सिदू इच्छा आना आशा ए होय आना माहु यामे विश्वास होय का कोडोबीही गोठीपो नाराज उवे नाहा परंतु पुरो निर्भयतावाही माआ आगोपोरोत ख्रिस्ताआ गौरव कायम उवनारा रोअलाआवे तेहलूज आवनाराआ दिहोम पोन उवनारा रोअलाआवे यामे आय जीवो किंवा ओमेज मोओ 21 काहाके माआ जिवनाआ अर्थ ख्रीस्तात जीविलो आना मोईलो ओ लाभ होय 22 जर माआ याआ डीलोवाही जिवंत रोही ताहा याआ अर्थ ओ उवे कआ आय आपाआ कामोवांही आनंद कोए पोन माहु होमाजाडीत नाहा का आय याकोअता निवाडले 23 याआ बारामेह आय पेचात होय ईहिरोत हुटोत जात ख्रिस्ताआरी रोणारे माहु उत्कंठा होय काहाके देहामेहे रोहोलोकाजे ओ जाहाकोज हाजो होय 24 पोन याआ डीलोम रोहिलो तुम्हाकोअता जाखा आवश्यक होय 25 आना काहाके ओ आय निच्शीत ओलखील्तू का अध्यात्मिक उन्नत्ती आना विश्वासा निर्माणे उवलो आनंदावाही तुम्हाआरी रोत होय 26 याकोअता का तुमापोओ फासी आवता परिणामी स्वरूप माहु येशुमेहे स्थिर माआरी गर्व कोइलाकोअता आना जाखा आधार आवे 27 पोन हरएक प्रकारे एहलो को का तुमाआ वागणुक ख्रिस्त सुवार्ताच्या त्यावाईहि अनुकूल रोअलो ज्याआपोरोत जेबी आय ताआरी आविलो तुम्हामे पाल्हू किंवा जेबी आय तुम्हाहिरोते दूर रोत तुम्हबारमे ओच उनाऊ का तुमु उनाआ आत्म्यामे दृढताने स्थिर ओवुहू आना सुवर्ताआ साहायाने निर्माणे उवलो विश्वासा एक ओतगोल्यु संघर्ष कोईत होय 28 तेहलूज फासी ओ बी उनाऊ इच्छितो का तुमु आपाआ विरोधवाला बित नाहा तुमाआ ओ विश्वास नाशाआ प्रमाण होय आना ओच प्रमाण होय का तुमाआ सुटीलोअ आना परमेश्वरपोरत ऐहलोच कोल्यो जालो 29 काहाके ख्रिस्तापोरोत तुम्हामे न केवळ विश्वास कोइलाकोअता पोन त्यांकोअता सहन कोइलाकोअता विशेष अधिकार आप्यू होय 30 तुम्हामे मालूमे होय का तुमु त्याहाम संघर्ष कोअलाआ एकजूट होय तीयाम आय संघर्ष कोईत होय जेहलो का तुमु उनाईत ओमेजा आय मग्न होय.