2
ओमे जर मसीह मेहे कीबी शांति आना प्रेम मेहे धाडस आना आत्माआ सहभागिता आना काही करुना आना दया होय 2 ताहा माहु पुरो तऱ्हेने आनंद को माहु लागेहे का तुमु एमोन वाही रोवा को परस्पर एकुच प्रकारे प्रेम को आत्मामेरोत एक ओन , आना एकुच साइतटूमे लक्ष्य दया 3 ताहा पाडितदेयलू अथवा रिकामो ओहोकारोवाही काहीही कोहू नाहा पोन नम्र ओला आना दिहीराहा आपाआ पेक्षा उत्तम माना 4 तुमामेरयो हरएकमाहू आपाज पालहू कायना ताहा बिहीरा हाजाकोता बी फूस कोईओलो 5 आपाआ चीत्तवृती एह्ली मेका जीही ख्रिस्त येशूपरत ओती 6 जो आपाआ स्वरूपाने साक्षात परमेश्वर ओतू पोन तिये परमेश्वराबरोबर आपाआ समानतेला केधी लाभ कोईत महांआ नाहा 7 पोन तिये आपाआ आखे किबी सोडीत दासाआ रुपोमे ग्रहण कोल्यो आना महुहुहोच रोला 8 ताहा तिये स्वतःहा नम्र कोईत रेवू आज्ञाकारी बोल्यू का तिये खुदाआ जीव सुद्धा क्रूस आप्यू 9 त्याकोता परमेश्वराने बी त्याहा उचो जागापो उभे कोल्यो आना त्याहा ते नाव आपिलू, जे आखे नावापोरोत श्रेष्ठ होय 10 याकोअता का आखे जोओ घेता उनाआ तेहालाम नम्र उवे जेबी ते स्वर्गाआ होय का धोर्ती होय किंवा धारेतीई निसाऱ्ये होय 11 आना हरएक जीभ परमेश्वराआ गौरवकोअता तेईतले कोईओलो का येशु मसीह ओच प्रभू होय 12 याकोअता माआ प्रिय पाहीही, तुमु मापो आदेशाचे पालीत पहीले कोईत ओते जेव्हा आय तुम्हाआरी ओतू जर आय तुम्हाआरी नाहा तेहालाम तुमु जाखा लक्ष्य आपित त्याआ पालीत कोईओलो परमेश्वराआ प्रती पुरो आदर पायाहोवांही तारण पुरो उवे याकोअता काम कोईत रो 13 काहाके तो परमेश्वरच होय जो तिया कामाकोअता इच्छा आना ते काम पुरो कोईलाकाजे जे परमेश्वराआ गोमतो ते तुम्हामे निर्माण कोईत ओते 14 किबी तक्रार आना लोळाई न कोअता काम कोईत रो 15 याकोअता का तुमु निर्दोष आना पवित्र बोनाळीलो तेहलूज तुमु याआ कुटील आना विपरीत पीडीइ निर्दोष आना निष्कलंक ओतगोल्यु देवाआ पोऱ्ये उवेत्यामेहे तिया आदाराम तुमु तियाअ टायमोमें चादनी बोणीत चमकावीलो 16 जाहा तुमु त्याहा जिवआपनारु संदेश उनात्लू तेहालाम तुमु एहलो कोईत रो याकोअता का ख्रिस्ताआ फासी आविलाआ दिहोम ओ पालीत का जीवनामे गुगधील वाया गोये नाहा पोन तुमापो गर्व कोअनारू 17 तुमाआ विश्वास एक बळीहोसे होय जर माआ रक्त तुमाआ जोरोपे द्राक्षरस ओतीत आप्यू तेबी तो माहु पोटल्यो होय तुमाआ प्रसंन्नतेमेहे माआ पोन सहभाग होय 18 त्यप्रमाणे तुमु बी प्रसन्न रो आना माआरी आनंद को 19 प्रभू येशूउ साहायाने माहु तीमथ्याहा तुमापोओ मोकलिलो आशा होय का याकोअता का तुमाआ सुवार्तेला माआ पोन उत्साह वोधाडीलो 20 काहाके बिहरु एहेलू माहहू नाहा का ज्याआ मनो मासारखो होय आना जो तुमाआ हाजाकोता खोरो मोनाकोईत चिंताम होय 21 काहाके आखे आपाआपाआ कामोमे व्यस्त होय येशु ख्रिस्ताआ कामोमे कोडूच व्यस्त नाहा 22 तुमु त्याआ चरित्राला ओलखिल्यू का सुवार्ता प्रचारामेहे माआरी तिये एहोलोच सेवा कोअयी होय जेहलो एक पोऱ्या आपाआ आबाआरी कोअत्लू 23 जेहलो माहु जाहा मोलुम उवे का माआरी किबी उवे होय आय त्याहा तुमापोओ मोकलिलो आशा राख्नारो 24 आना माआ विश्वास होय का प्रभूउ साहायाने आय बी वेगुज आविही 25 मल ओ आवश्यक लागेहे का एपफ्रुदितूस ला तुमापोओ मोकलित जो माआ पाही होय आना आरी काम कोअत्लू आना मदतकोअनारे होय तेहलूज माहु आवश्यक ओत्गोयो माआ सहाय्याकाजे तुमाआ प्रतिनिधी रोला होय 26 काहाके तो तुम्हाकोअता कासावीस रोत ओतु आना ह्याआरी जास्तीज खिन्न ओतु का तुमु ए उनाअयो ओतु का तो मांदवाड्यू पोडीत आतु 27 होय , तेहालाम तो मांदवाड्यू ओतू का तो मोईत जानारू ओतू परमेश्वराने त्याआपो कृपा कोअयी (त्यापोओ नाहा पोन मापो बी कृपा कोअयी) याकोअता का माहु दु: खाहून दु: ख न मिलुजोवे 28 त्याकोता आय त्याहा फासी वेगु मोकलित होय याकोअता का जाहा तुमु त्याहा पलणारू तेहालाम एकवा फासी प्रसन्न ओवे आना माआ बी दु: ख निहित जालो 29 याकोअता प्रभूमे वोडो आनंदावाही त्याआ स्वागत को आना एहलो माहुंहु अधिका जाखो आदर आपित रो 30 काहाके ख्रिस्ताच्या कामाकोअता तो लगभग मोईत गोल्यो ओतु याकोअता का ताआपोरोत कोअयी जातिरोईली माआ सेवामेह जे किबी कोम घटी रोली ओती त्याहा तो पुरो कोईओलो तीयाकोता तिये स्वता: चा जीव बी आपुहू कोल्योओ.