3
याआकोअता ऐ माआ पाही प्रभु मेहे खुशिमेहे रोवा तीच गोठी तुमुहू ताल लिखुहू महू ते कातालू नाहा लागतु आना याआमेंहे तुमाआ कुशलता होय 2 याआ हुनाहीरोत सावधान रो जे पाप कामोमे ताउकुज होय तियाअ वाईट काम कोनापोरेत सावधान रो 3 काहाके खोरो सुंता कोल्यो आमुहू होयेत जे आमाआं सेवा परमेश्वराआ अर्पण कोईत होयेत आना ख्रिस्त येशु माय गर्व राख्नारो , तेहलूज जे किबी शारीरिक होय त्याआपो भोरुसो मेकीत नाहा 4 ओमे आय डीलोपो पोन भोरुसो कोल्योओ ओतलू परंतु जर कोडु एहेलू फूस कोल्योओ ओतलू का त्याजागे डीलोपो विश्वास कोअलाआ फूस होयते तो पण माआहने जाखा होय 5 जाहा आय आठ दिहिओ ओतु तेहालाम माआ सुंता उवी ओती आय इस्राएल होय आय बिन्याम्मीन च्या वंशज चा होय , आय इब्रानी आयहि बाहीदेखोअ जन्मउवलू एक इब्रानी होय जोपोरोत माआ नियमशास्त्राचा होय , आय परुसी होय 6 जोपोरोत माआ निष्ठेचा प्रश्न होय आय मोडलील जास्तीज ठ्गीत्लो ओते जोपोरोत धार्मिकताआ प्रश्न होय जे नियम शास्त्र हिकाडतो होय , आय निर्दोष होय 7 पोन माआ जेव्हा फायदा ओतु आज तीयामे ख्रीस्ताआ आय नुकसान होमजीत्लू 8 याआ पेक्षा वोडी गोठी ए होय का आय आपाआ प्रभू येशु ख्रिस्ताची ज्ञानाआ श्रेष्ठतेणे ओमेजा आखे किबी नुकसान होमजीत्लू त्याआकोताज आय आखे किबी आय सोडीत आपिलू होय आना आखे किबी सामानोअ घृणा कोईत होय यकोअता का आय ख्रिस्ताहा मेलवूहु 9 आना त्याआ मायज जाऊ सेकेहे , माआ धार्मिकताने नाहा परंतु नियमशास्त्रावर उबु होय परंतु तियाअ धार्मिकते काहाके जो ख्रिस्तापो विश्वासा मिलीअलो रोतो जे परमेश्वरपोरत जोळे आना ज्याचा आधार विश्वास होय 10 आय ख्रिस्ताहा ओलखुहू इच्छितो आना तिया शक्तीचा अनुभव कोअला होय ज्याआपोरोत त्याआ पुनरुस्थान उवे ओते आय त्याआ क्लेशामेहे पण सहभागी ओवुहू इच्छितो आना त्याआ रुपोहो मेलवूहु इच्छितो ज्याहा तिये आपाआ मोईत जुळाविते ओते 11 तिया एहलाआरी आय पण ऐह्कोईत मोइलमरोत उठित पुनरुस्थान जोडयो कोहू 12 एहलो नाहा का माहु उपलब्ध उवे होय किंवा आय पुरो सिद्ध पोयो परंतु आय तियाअ उपलब्धी याकोअता कायम प्रयत्न कोईत रोही याकोअता ख्रिस्त येशूने आपाआ शिष्य बनविल्यो होय 13 ऐ पाहीही, आय ओ फूस कोईत नाहा का आय त्याहा जोडयो कोल्यु गोये होय परंतु ए गोठी होय का जे फासाडी घोडये गोये ते विहराइत जे माआ आगाडी होय तियाअ लक्ष्यापर्यंत पोचीतगोलयो आय संघर्ष कोईत रोही 14 आय तिया लक्ष्याकाजे निरंतर प्रयत्न कोईत रोला होय का आय तियाअ बक्षिसोहो मेलवूहु जे ख्रिस्त येशु माय मिलवीत परमेश्वराने आमुहू उसे हादाडये होय 15 याकोअता तिया माहुंहु जे आपाआ माय सिद्ध माहु बोन्यो होय , भाव पोन एहलो रोही परंतु जर तुमु कोडोबीही गोठीपो ढोंगीपणा ओतगोल्यु फूस कोअता तेहालाम तुम्हाकोअता तिया स्पष्टीकरण कोईत आपही 16 ज्या हाजापरते आमु पोतले होय , आमुहू त्यापोजे चालते रोअलो 17 ऐ पाहीही, दिहीराआरी मिलून माआ अनुकरण कोईओलो जे उदाहरण आय तुमाआगाडी मेकल्ये होय , त्यावाही जो विजयी होय त्याआपो लक्ष्य दया 18 काहाके एहलो पण वारुज माहे होय जे ख्रिस्ताच्या क्रूसाला शत्रुता मेकीत विजयी उवे होय (आय तुम्हामे जास्तीज टायमोआ कोल्यो आना ओमेभी आय फासी- फासी कोल्यो होय ) 19 तिया नाश त्याआ नियमशास्त्राप्रमाणे होय , त्याआ पोटु त्याआ ईश्वर होय आना तीयावाही त्याहा लाज जोडयो ओते त्यापो ते लक्ष्य केंद्रित कोअता त्याहा फक्त भौतिक गोठीमेहेरोत चिंता शेतली 20 पोन आपाआ जन्मभूमी ताहा होर्गाम होय , तिहिजे आपाआ तारण कर्ता येशु ख्रिस्ताची वात पालीत रोतो 21 आपाआ जोरावार ज्याआपोरोत आखे सामानोअ तो आपाआ अधीन कोअत्लू आपाआ दुर्बल डीला बोद्लीत दिव्य देहासारखे बोणाडीत आपही.