EPHESIANS
इफ़सी च्या पत्र
1
पौलाआ वोगेरोत जो परमेश्वरा आ इच्छा वाही यीशु मसीहा आ प्रेरित होय ते पवित्र आना मसीह यीशु मेहे विश्वासी माहा आ नावे जे एफिसुस्मेहे होय 2 आमाआ आबहु परमेश्वर आना प्रभू येशू ख्रीस्ताउगेरोत तुम्हामे कृपा आना शांती मिलती रोय 3 आमाआ प्रभू येशू ख्रिस्ताआ परमेश्वर आना आबहाआ धन्यवाद होय का तिये आमुहू ख्रिस्तामेहे होर्गाआ स्थानामेहे आखे प्रकाराआ आत्मिक आशीर्वाद कोल्यो होय 4 जेहलो तिये आमुहू जुगाआ उत्पतीई पेले तीयाम निवडीत लेधलो का आमु त्याआ जागे प्रेमाम पवित्र आना निर्दोष रोहू जोवे 5 आना आपाआ आसा हाजा आज्ञेपोरोते आमुहू आपाआकाजे पाल्या पोरोत ठेरव्यो का येशू ख्रिस्ताच्या त्यापोरत आमु त्याआ दत्तक पुत्र रोहू 6 का त्याआ तिया कृपेवाइहि गौरवाने स्तुती ओये कोईत तिये त्याहा आमुहू तिया प्रिय जनामे आपिलू 7 आमुहू तीयाम त्याआ रक्ताआ त्यापोरत सोड्व्ये अर्थात अपराधाची क्षमा, त्याआ तियाअ कृपाआ धनोओ नुसार जोड़ी होय 8 तिये त्याहा आखे ज्ञान आना समाजोआरी आमापो विपुलतेने कोल्यु 9 काहाके का तिये आपली इच्छाओ भेद तिया हाजा संकल्पानुसार आमुहू कोल्यो , तिये त्याहा आपाहा स्वतःहा ठाणून लेधलो ओते 10 का तिया तामू पुरो ओनारो एहेलू प्रबंध होय का जो कोडु होर्गाम आना जे किबी धोरतीपो होय आखे किबी तो ख्रिस्तामेहे एकठे कोअही 11 तीयाम ज्याम आमु बी तीयाम संकल्पनाने जो आपाआ इच्छेवाइहि मनापोरोत आखे किबी कोअत्लू, पेलरोत ठेरव्यो जात वतनदार बन्यो 12 का आमु जिये पेलरोत ख्रिस्तापो आशा मेकल्यी ओती त्याआ गौरवाची स्तुतीच्या काहाके होय 13 आना ज्याम तुमापो बी जाहा तिये सत्याआ वचन उनाअयो , जे तुमाआ उद्धाराआ सुवार्ता होय आना ज्यापो तुमु विश्वास कोल्योओ पवित्र कोओल्यो पवित्र आत्म्याआ शिक्का लागाड्यू 14 तो त्याहा वेसातो लेद्लू सुट्टीकाजे आम्हा हिसाचे बोनाडहि होय का तिया गौरवाआ स्तुती होय 15 आव कारनोवाही आय पोन तिया विश्वासाआ सुवार्ता उनाईत जो तुमाआ माहुंमे प्रभू येशूपोओ होय आना आखे पवित्र माहुपो प्रगट कोल्योओ होय 16 त्यांकोअता धन्यवाद कोअला सोडीत नाहा, आना आपली प्रार्थनामे तुम्हामे स्मरण कोईत रोतलू 17 का आम्हा प्रभू येशू ख्रिस्ताआ परमेश्वर जो गौरवोअ आबहु होय , तुम्हामे आपाआ ओलखील्युताहा ज्ञान आना उजवोडाआ आत्माआ आप 18 आना तुमाआ मोनाआ डोआं प्रकाशाम होय का तुमु ओलखीत ल्या का तिया बलवान आशा नाहाकोत होय आना पवित्र माहुंमे तिया वाटे गौरवोअ धन केहलु होय 19 आना त्याआ सामर्थ्य आमाहामेरोत जे विश्वास कोअता केतो महान होय , त्याआ शक्तीचे प्रभावाच्या तिया कामोकोता 20 जो तिये ख्रिस्तामेहे कोल्योओ होय का त्याहा मोल्यामरोत जिवंत कोईत होर्गाआ स्थानामेहे आपाआ हाजावोगे , 21 आखे प्रकाराआ प्रधानोमेहे आना अधिकार आना सामर्थ्य आना प्रभूताच्या आना फासी हरएक नावोओ उसे जे न केवळ तिया माहाहूपो आवणारा माहुंमे बी लेधलो जाइअलो बोहाड्यो 22 आना आखे किबी त्याआ गुडू निसे कोईत आपिलू आना त्याहा आखे बिडारापो बारी ठेरवीत मंडळ्मेहे आपित आपिलू 23 ते त्याआ देह होय , आना त्याआ परिपूर्णता होय जो आखामे आखे किबी पुरो कोअत्लू.