गलाती च्या पत्र 6

ऐ पाही जर कोहू माहू कीबी अप्राधामेहे तोआथ बी जाय ते तुमु आत्मिक होय नम्रता आरी एह् ला हा होबाला आना आपाआ बी चव कशी मेका का तुमु बी परीक्षा में ने पोड़ो 2 तुमु एक दोहरा वोझो वीसे, आना यारीती ख्रिस्ताची नियमह पुरो को 3 काहाके जो कोडु किबी तोत्लुने पण आपाआ माह किबी होमाजाडीत होय , ताहा आपाआ माह ठोगनारू 4 पोन हरएक जोओ आपाआ ए कामा याकोअता तोपासित पाला , फासाड़ी तेहालाम बिहीरा विषयी नाहा पण आपाआ विषयी त्याहा अभिमान कोअलाआ जागू जोडीत 5 काहाके आखेज माहहू आपाज वोझो आथलीनारो 6 जे वचनाने शिक्षण लत्ले, ते आखे हाजलो व्स्तुपो शिकाड्नारो भागिदार कोअनारू 7 फसुस नाहा ; परमेश्वर मुर्खात नाहा जोडीलू जात , काहाके मांहु जे किबी पोतला तोज पाकाआडीलो 8 काहाके जो आपाआ डीलाकोता पेअत्लू, तोच डीलोओ व्दारे नासनारू वाडीलो काट्नारू; आना जो आत्म्यासाठी पोतला, तो आत्म्याआ व्दारे सार्वकालिक जीविले वाडीलो कोअनारू 9 आमु हाजो काम कोइलाकोअता मद्तकोयदिही सोडीत, काहाके जर आमुहू मोकले नाहा होय ताहा त्याटायमोहो वाडीलो कोअनारू 10 आव होआता जोपोरोत प्रसंग मिले आमुहू आख्याहा आरी हाजो कोईओलो, विशेषता विश्वासाम बंधून आरी 11 पाला आय केहलो वोडा अक्षरांआ आय तुम्हामे आपाआ आताई लेखिलो होय 12 जे माहे शारीरिक देखाडीले कोअता तोच तुमाआ खताइलो कोइलाकोअता दबाव टाकतले , फक्त याकोअता का ते ख्रिस्ताच्या वंधस्भाच्या कारनोकोईत तोओल्यो नाहा जालो 13 काहाके लेहाआवता कोअनारे खुद हीन नियम शास्त्र पाळीत नाहा, पण तुमाआ संता याकोअता कोइलाकोअता पालत्लू का तुमाआ शारीरिक दशापो अभिमान बाळगा 14 पोन एहलो नाहा ओवो का आय बिहरे कोडला गोठीई अभिमान सबालोहो, फक्त आमाआ प्रभू येशू ख्रिस्ताच्या वंधस्भाच्या ज्याआ व्दारे संसार माआ दृष्टीट आना आय संसारच्या नजरेम वंधस्भावर सोढया गोल्यू 15 काहाके नाहा सुंता आना न बेसुंताआ किबी होय , पण नवो जग 16 ऐताके नियमापो सालनारू त्याआपो , आना परमेश्वराआ इस्त्राएलवर शांती आना दया आवीत रोही 17 आगाडी पोरोत कोडु माहु दु: ख नाहा आपी, काहाके आय येशूचे खुनाला आपाआ डीलोम लेत फिरनारो 18 ऐ बंधूजनोहो, आम्हा प्रभू येशू ख्रिस्ताची कृपा आम्हा आत्मू आरी राहो आमेन.