5
मसीहई स्वतंत्रता आ कोअता आमुहू स्वतन्त्र कोअयु हु ओमे यामेहेच स्थिर रोवा आमा दासत्व आ जुवालामेहे फाशो मा जुपाहा 2 पाला, आय पौलस तुम्हामे कोतलू केधी सुंता' कोअही, ताहा ख्रिस्ता माय कोड्लूच लाभ उवे नाहा 3 तेबी आय एक फाशी सुंता कोनारो जतवून आपोहो का त्याहा नियम शास्त्रा प्रमाणोओ मानेतू लागे 4 तुमु ज्या नियमशास्त्राने धोर्मी ठरू इच्छिता, ख्रिस्ता पोरोत अलग आना अनुग्रहापासून निसे पोडये होय 5 काहाके आत्म्याआ कामावाहे आमुहू विश्वासा, आशा अतांवाही धार्मिकतेची वात पालल्ते 6 ख्रिस्त येशूने नाहा सुंता आना ने सुंतारहित किबी कामा होय , परंतु केवळ विश्वास, जो प्रेमा त्यापोरत प्रभाव टाकोहो 7 तुमु ताहा हाजिकोये भक्ती माय गुगदीत ओतु ओमे तिये त्याहा उबेराखेहे का सत्याहा माणू नाहा 8 एह्ली हिकवन तुमाआ बोलवनाचान त्यापोरोत नाहा 9 थोडोज खमीर आखे मळवाओल्ये लोट फुगाडली टाकोहो 10 आय प्रभूहु तुमाआ ' विषयामे भोरुसो मेकोहो का तुमाआ कोड्लूच बिहरु विषय रोही नाहा; परंतु जो तुम्हामे बिवाड्त्लू , तो कोड्लूच काहा न दंड पावेल 11 परंतु ओ पाहीही; केधी आय ओमेजा सुंतेचे सुवार्ता कोअत्लू, तो ओमेजाऐ त्रास आप्यू जात्लू हाषकी क्रूस ची ठोकर खायलो रोही 12 हाजो उवे का जे तुमापो डाव मेकात्ले ते आपाआ अंगच वाडीत टाकत्लू 13 ओ पाहीही तुमु स्वातंत्र्य उविलाकोअता हादाडल्यो गोये होय ; परंतु एहलो न ओवो का ओ स्वातंत्र्याच्या शारीरिक कामाकोअता वावा आपुहू नाहा , नहाते प्रमोवाही एक बिहराआ दास बन्यो 14 काहाके आखे नाहा , नहाते प्रमोवाही याआ एकुच गोठी माय पुरो ओतगोल्यु जाहो तू आपाआ आरीकोरयापो आपाआ एकहरको प्रेम को'' 15 पाच पोन तुमु एक बिहीराआ चावता आना खात टाकिलो ताहा परस्परांच्या आथोवाही एकादिहरा संहार ओतगोल्यु कायना कोईत ह्सकोईतेमिकिलो 16 पोन आय कोतलू, आत्म्याआ अनुसारे चाल्यो ताहा डीलाआ देहवासना कोडला रीतीवाही पुरो नाहा कोनारो 17 काहाके डील आत्म्याआ विरोदात आना आत्माआ डीलोओ विरोधाम (लालसायुहू ) कोअत्लू, आना ओ एक बिहीरा विरोधाम होय , याकोअता का जे तुमु कोहू इच्छितात ते कोहू सेकेहे नाहा 18 आना केधी तुमु आत्म्याआ चालवनयाने सालतेहे ताहा नियम शात्राच्या आधीन नाहा 19 डीलोओ काम ताहा प्रगट होय , अर्थात व्यभिचार, खोराबे काम , लुच्चे पणा, 20 देवपूजा , जादू, वैर, चुलाल्यु, इर्षा, खोत, विरोध , फुटी, विधर्म, 21 हेवा, होरो, रिकामीहोये आना याहा सारखो फाशी काम होय , याआ विषया माय तुमाआ वरून आखीत आपोहो, काहाके पहीले कोल्यो होय का एहलो -एहलो काम कोअनारे परमेश्वराआ राज्याआ वारीस उवे नाहा 22 पोन आत्मू त्याआ फोल प्रेम, आनंद, शांती, धीर, कृपा, हाजोपण , विश्वास, 23 नम्रता आना सौम्यता होय ; एहलो- एहलो कामा विरूध नियमशास्त्र नाहा 24 आना जे ख्रिस्त येशू त्याआ होय , तिये डीला त्याआ लालसायुहू आना वासना आरी वधसस्तमभा उपो सोडवीत आपिलू होय 25 केधी आमुहू आत्मू त्यापोरत जिवंत होय , ताहा आत्मू च्या अनुसारे चाल्यो 26 आमु कोठी होतगोयो नाहा पण एक दिहीराहा चिडवू कायना आना बिहीरापो हेवा कोहू नाहा.