4
आय ओ कोहोका वारिस जाहा जाआ पोरयो होय ताहा जाआ आखी वास्तु तो मालक होय ते बी त्यामेहे आना दासो मेहे कीबी भेद नाहा 2 पोन आबहाआ ठर्विलो टायमोपोजा त्याहा किबी कारभारी आना मास्तराआ होपित रोलो ओते 3 तेहलूज आमुहू पण जेव्हा पोऱ्यो ओते तेहालाम जगामेरया पालील्यो सिकाइलोकोता होपित ओतगोल्यु पावर बोन्यो ओते 4 पोन जाहा काळा पुरो पोयो तियाअ परमेश्वराने आपाआ पोऱ्याहा मोक्ल्यीत जो बोयोआ त्यापोरोत जन्मूला आना नियमशास्त्राआ होपित उत्पन्न पोयो 5 म्हणजे नियम शास्त्राआ होपित होय त्याहा वेसातो घेऊन वासाडीत आना आमुहू वारस उविला हक्क मिळूहुजोवे ओ उदेश ओतु 6 आना तुमु जे पुत्र होय त्यापोत परमेश्वराने पोऱ्याआ आत्म्याहा जो ओ अब्बा , आना ओ आबुहू एहलो कोत आवाज देत्लू 7 त्यापोत तू ओमे पावर नाहा पण पोऱ्या होय आना जेव्हा पोऱ्या पोयो ताहा परमेश्वराआ त्यापोरत वारस पण पोयो 8 पहीले तुम्हामे परमेश्वराआ ओळखत नाहाओती कोईत तुमु त्याआ पावर ओते जो स्वभावोवाही परमेश्वर नाहा 9 पोन ओमे ज्या परमेश्वराआ ओलखीत लेधलो होय एवडोज नाहा ताहा परमेश्वराने पण तुम्हामे ओलखीत लेधलो ताहा तियाअ निर्बल आना बिनकामोओ पाल्या शिक्षाआ गोठीरी काहा फिरीवलो जीई तुमु फासी पावर बोनहू इच्छितात? 10 तुमु दिह्याहा, मोहिनाहा, नेमल्यामेहे टामो आना वोरोहो मानतेहे 11 आय तुमाआ विषयाम बित्लू का एहलो उवूंहू नाहा का जी मेहनतो आय तुम्हाकोअता कोअयी होय ती व्यर्थ ठराविलो 12 ऐ पाहीही आय तुम्हामे विनंती कोअत्लू का तुमु माआ सारखो बन्यो; काहाके आय पण तुमाहोस ओतगोल्यु गोल्यो होय ; तुमु माआ किबी बिघडावीत्लो नाहा 13 पोन तुम्हामे मोलुम होय का पहिलुच आयुच डीलोओ निर्बल त्यावाईहि तुम्हामे सुवार्ता आप्यी 14 आना तुमु माआ शारीरिक स्थितीला जी तुमाआ परीक्षाए काहाके ठर्विल्यो तुमु तुच्छ होमज्ये नाहा; आना धिक्कार पण कोल्योओ नाहा आना परमेश्वराआ नाहा ताहा स्वर्गदूत स्वतः येशु ख्रीस्तासारखे माहु ग्रहण कोल्यु 15 ताहा तो तुमाआ आनंद कोअला का गोये ? आय तुमाआ साक्ष होय का शक्य उवे ओते ताहा तुमाआ डोउ पण माहु काढीत आप्यू ओतलू 16 ताहा नाहाकोत खर कोल्यावाही आय तुमाआ दुश्मन होय नाहाकोत? 17 ते तुम्हामे हेगांति बनाडूहु मागतले खोरो पण हाजा उद्देशाने नाहा पण तुम्हामे अलग कोइलाकोअता ओ कोईत होय का तुमु त्याहा हेगांति बोणाडीत ल्या 18 पोन ओ पोन हाजो होय का हाजा गोठीमेहे सदा आखीवेल हेगांति बनविलो प्रयत्न कोअला जोवे नाहा ताहा जेव्हा आय तुम्हाआरी रोतलू तोयोज कोअनारू 19 ऐ माआ पोऱ्या जोपोरोत तुम्हामे ख्रिस्ताचे रूप बोनावोओ नाहा तोपोरोत आय तुम्हाकोअता फासी प्रसुती वेदनाहोसे तारास खेटेहे 20 इच्छा ताहा एह्ली ओते का ओमे तुमापोओ आविलो बिहीराआ प्रकाराने गोगू काहाके तुम्हबारमे आय बुचकळ्यात पडिलो होय 21 तुमु जे नियम शास्त्राआ होपित ओवुहू इच्छितात ताहा माहु कोआ नाहाकोत तुमु नीयमशास्त्राचे उनाईत नाहा? 22 ओ लेखिलो होय का अब्राहाहा बेन पोऱ्ये उवे; एक दासी त्यापोरोत आना बिहरु हाजो बोयोआ त्यापोरोत 23 पोन जो दासिहीदेखू पोयो तो शारीरिक रीतीवाही जन्मला होय आना जो हाजो बोयोआ त्यापोरोत जन्मूला तो वोचानाप्रमाने 24 आव गोठी माय दाखलू होय आव बोई म्हणजे बेन करार होय एक ताहा सियोन डोगों जीही पावर उत्पन्न ओये आना ती हागार होय 25 आना हागार जेहेकाय अरबाची सियोन डोगो होय आना आधुनिक यारुशालेमासारखी होयकाहाये ती आपाआ पोर्यआरी गुलामामेहे होय 26 पण उपर्य यरुशलेम हाजो होय आना ती आमाआं आयहि होय 27 काहाके खिलो होय “पोऱ्ये उवनारा कायनाहां बाय आनंद को, ज्या ताहु प्रसूती तारास उवनारा नाहा, एखटो खलिते जयजय को , काहाके टाकीत देदिलो पोऱ्ये माटी ओतल्या बोहीही पोऱ्यापोरोत खूप होय ” 28 ऐ पाहीही, आमुहू इसाकासारखे वचनाआ पोऱ्ये होय 29 आना जेहलो त्याटायमोहो शरीराप्रमाणे जन्मउवलू आत्म्यापरत जन्मलेदलों छळ कोईत ओते तेहलूज ओमे पण उवनारा होय 30 पोन पवित्र शास्त्र काहा कोल्यो होय ? दासी आना तिया पोऱ्याहा काढीत आप काहाके दासीचा पोऱ्या हाजो बोयोआ च्या पोऱ्याआरी वारस उवे नाहा 31 ताहामुदो बंधुजनांने, आपु दासीइ पोऱ्ये नाहा ताहा हाजो बोयोआ त्याआ पोऱ्ये होयेत.