GALATIANS
गलाती च्या पत्र
1
पौला आ जी ने माहाआ द्वारा ने माहा द्वारा पोन यीशु मसीह आना परमेश्वर आबहाआ द्वारा जो त्याहा मोल्यामरोत जीवतु कोअयु प्रेरित होय 2 आना आखे पायहोहो जे माआरी होय चुकीइ मंडली नावामेहे 3 परमेश्वर आबहू आना आमाआ प्रभू येशु ख्रिस्त याआ तुम्हामे कृपा आना शांती मिलीअलो राहो 4 तिये स्वतःहा आम्हा पापोकोअता आपित आपिलू म्हणजे आमाआ परमेश्वर आना आबहाआ इच्छेवही आमुहू आव वर्तमान टायमोमें आना वाईट संसारामेरोत सोड्वुई 5 त्याआ स्तुती आना गौरव पिडीनपीडी होय आमेन 6 माहु आश्चर्य लागेहे का जीआ तुम्हामे ख्रिस्ताच्या कृपेमध्ये हादाडये त्यापोरोत तुमु ओतो वेगु फिरीत आना बिहीरेज हाजो संदेशवाहि वालीलोओ लागाडीत होय 7 पोन तो बिहरु हाजो संदेश होय नाहा पण ती गोठी एह्ली होय का केते एहलो होय ते तुम्हामे बीवाडीते आपत्ले आना येशु ख्रिस्ताच्या सुवर्तेला बिगडावनारू प्रयत्न कोअता 8 जर आमुहू किंवा स्वर्गदूत पण आव सुवर्तेला सोडीत जे आमु तुम्हामे कोल्यो होय त्याहा सोडीत बिहरि सुवार्ता तुम्हामे कोअही ताहा ते श्रापित होय 9 जेहलो आमुहू पालील्यो कोत चुक्यो होय तेहलूज आमुहू फासी सांतो का आव सुवर्तेला सोडीत ज्याहा तुमु होवकोयत होय जर कोडु बिहरु हाजूसदेश कोअही ताहा तो श्रापित होय 10 ओमे आय नाहाकोत मांह्हू होमजादिलो काहाके परमेश्वराआ? नाहाकोत आय मांह्हू संतुष्ट कोइलाआ इच्छा कोअत्लू जर आय ओमे पर्यंत माहु च संतुष्ट कोईत रोला ओतलू ताहा ख्रिस्ताआ दास रोला नसते 11 ऐ पाहीही, आय तुम्हामे कोत आपोहो का जी सुवार्ता आय कोल्यी होय ती माहाआ नाहा 12 काहाके ती माहु महापरोत पोरोओली नाहा आना माहु हिकाडये पण नाहा पण येशु ख्रिस्ताच्या प्रकटी कोअनाराहा जोडयेहे होय 13 यहुदी कोतेहे जे पालील्यो माआ वागणुक ओते त्याविषयी तुमु उनाअयो होय का आय मोडलीई जास्तीज छळ कोईत ओतू आना नाश कोअला 14 माआ जाखो जातीही जे मासारखच ओते , यहुदी मतात जाखो वोदिते जातले ओते आना आपाआ पूर्वजाआ परंपराकोता जास्तीज उत्तेजित ओते 15 पोन परमेश्वराआ जीआ माआ आयाहिई गर्भातूनच माहु ठेरव्यो आना आपाआ कृपेणे हादीत लेधलो 16 जाहा इच्छा उवी का मामेह आपाआ पोऱ्याहा प्रकट कोईओलो का आय गैरयहुदिमे त्याआ सुवार्तेची प्रचार कोहू तेहालाम आय मांस किंवा रक्तवाही मार्ग दर्शन लेधलो नाहा 17 आना यरुशलेमेत पण गोल्यो नेहेत्याआरी जे माआगाडी जे प्रेषित ओते पण लागेज अरबला निहित गोल्यू आना तीरोते दामिश्क ला फिरीत आवयू 18 फासाड़ी तीन वऱ्योमेहे आय कैफाला मिलनेकोता यरुशलेमोमे गोल्यो आना त्याआ जागे पंधरा दीही रोला 19 पोन प्रभूआ पाही याकोबाला सोडीत बिहीरा प्रेषितांमधून एकाहा पण मिल्यू नाहा 20 ज्या गोठी आय तुम्हामे लेखातुलू पाला , परमेश्वराआ उपस्थित होमजीत कोतलू ते खोटो नाहा 21 इयाफासाडी आय सिरीया आना किलीकीयाच्या प्रदेशाम आवयू 22 पोन सुलाइलो मोडलीही जे ख्रिस्तामध्ये ओते माआ सोब खोरोज पाल्लये नाहाआत्लू 23 पोन तिया मंडळ्या ओच उनाईत कोल्यू का जो पहीले आमाआ छळ कोईत ओतु आमुहू ओमे त्याआ विश्वासाआ सुवार्ता प्रचार कोअत्लू ज्याहा पालील्यो नाश कोईत ओतु 24 आना ते माआ विषयाम परमेश्वराआ गौरव कोईओलो.