2
चवदा वर्शाआ फासाड़ी आय बर्नाबासा आ आरी फाशे येरुशालेमेहे गोये आना तितुसाह बी आरी लेत गोया 2 माआ जाअलो परमेश्वराआ प्रगटी कोइला प्रमाणोओ उवे; आना जी सुवार्ता आय बिहरे जातीयान माय प्रचार कोअत्लू, आय त्याहा कोत आपिलू, पण एखलुज त्याहा जाअलो जे वोडो होमाजाडीत ओते ते , काहाके एहलो न ओवो का माआ 3 याअमे नाहा ताहा फासाडीई गुग्डीला पली व्यर्थ उवे 4 पोन तीतुसाला पण जो माआ फासाडी ओतु आना जो हेल्लनी होय , सुंता करन्या याकोअता भाग पाडील्या आव्ये नाहा 5 ओ ते तिया झुटो पाही मुळे उवे जे चोरिवाही निहित आव्ये, का तियाअ स्वतंत्रतेला जो येशु ख्रिस्ता माय जो आमुहू मिल्यू होय , भाग आपित आमुहू दास बोनावोही 6 उनाआ घटके पोरोत आमुहू त्याआ अधीन होय नाहा, याकोअता का सुवार्ताची खोरो पणा तुम्हाआ माय बोणीत रोही 7 फासाड़ी ते माहे जे होमजीत लेणारे ते सुन्ता केहलो पण होय माहु याआरी किबी काम नाहा; परमेश्वर कोड्लूच पश्यताकरत नाहा त्याआरी जे किबी होमज्ये जात ओते , मांहु किबी नाहा जोडयो उवे 8 पोन याआ व्यतिरिक्त जेव्हा तिये पालील्यो का जेहलो सुंता कोएतलेद्लो माआहुकोअता सुवार्तेचे काम पेत्राहा तीयादेखाडले तेहलूज सुंता न कोअल्याहा मांहु सुवार्ता उनाइलो तीयादेखाडले गोये 9 आना जाहा त्या तारन जो माहू जोद्यो ओतो पेत्राची सुंता कोअल्यो गोयी मुळे प्रेषिताआ काम वोदे प्रभाव आरीज कोईत लेधलो, तिये माआ आरी पण बिहरे जातीयान माय प्रभाव शाली काम कोईत लेधलो 10 आना जेव्हा तिये ते कृपा दान जे माहु जोडयेहे, ओलखीत लेधलो जो याकोब, आना कैफा, आना योहान जे मोडली खांबे महांआ जात ओते , माहु आना बर्नबाला संगीताचा हुडू आथे आप्यू का आमुहू बिहरे जातीयां माय जालो आना तियाअ सुंता कोईओलो माय जालो; 11 पोन जाहा कैफा अंतुखीयास आवयू, ताहा आय त्याआ सोबाडीपो तिया सामना कोल्योओ, काहाके तो दोषी ठरवील्यु ओतु 12 हेया याकोअता का याकोबा त्यापोरोत किबी माहे आविलाआ पहीले तो बिहीरा जातीयां आरी खायलो ओतु, परंतु जेव्हा ते आव्ये ताहा सुंता कोईओलो माहुंहु घाबरील्यो तो माघार लेदि आना जुदो गोल्यो 13 त्याहा आरी बाकीह्य यहुदियांनी पण कपट कोल्योओ होमेजा का बर्नबा त्याआ कपटा माय पोडीत गोल्यो 14 पोन तेहालाम आय पालीही का ते सुवार्ताच्या खोरावाही वागिलो नाहाआत्लू, ताहा आय आखाआगाडी कैफाला कोल्यो ,'' जेव्हा तू यहुदि ओमेत तू बिहरे जातीयां सारखो वागिलो होय आना यहुद्यान सारखो नाहा ताहा तू बिहरे जातीमे यहुद्यान सारखो सबाव काहा लागाडीत? 15 आमु ताहा जन्मा जागेरो यहुदी होयेत , आना पापी बिहरे जातीयान मायारोत नाहा 16 तेबी पोन ओ होमजीत का मांहु शास्रामे क्रुत्यांनी नाहा; पण केवळ येशू ख्रीस्तावर विश्वास कोइलाआ त्यापोरत धोर्मी ठरवील्यु होय , आमु पोन येशू ख्रिस्ता उपो विश्वास कोल्योओ का आमुहू शास्रामे कृत्यांनी नाहा, परमेश्वराआ विश्वास मिकिलोओ कारनोवाही धोर्मी ठरू काहाके शास्रामे कृत्य कोअल्यानी कोड्लूच मांहु प्राणी धोर्मी ठराविलो नाहा 17 आमु जे ख्रिस्ता माय धोर्मी ठरू इच्छितात, केधी तुमुज पापी निकलीलू ताहा नाहाकोत येशू ख्रिस्त पापाहा पावर होय ? कदाचित नाहा! 18 काहाके जे कि बी आय निसे पाडिलो केधी त्याहा फासी बोनावोही ताहा त्याहा अपराधी ठेरवीही, 19 आय ताहा नियम शास्त्रा त्यापोरत नियम शास्त्रा याकोअता मोईत गोल्यू का परमेश्वरा याकोअता जगू 20 आय ख्रिस्ता आरी वधस्तभावर सोडवियू गोल्यो ओतू ओमे आय जिवंत रोला नाहा, पण ख्रिस्त मामेह जीवतु रोही; आना आय डीलोम जिवंत होय ताहा काहाके तियाअ विश्वासाआ मुळे जो परमेश्व्राराच्या पोऱ्यापो, जीआ मापो प्रीती कोअयी आना माआ याकोअता माह आपित आपे 21 आय परमेश्वराआ अनुग्रहाला व्यर्थ ठरावीत नाहा; काहाके केधी नियम शास्त्रा त्यापोरत धार्मीकता वोदे ताहा ख्रिस्ता त्याआ मरण व्यर्थ उवे ओते.