13
ओमे तिसऱ्या टायमोमें आय तुमाआ जागे आवत्लू बेन किंवा तीन साक्षीदारांच्या सोबिमरोत हरएक गोठी नियुक्त कोअयी जाइअलो 2 जेहलो आय जेव्हा बिहीरा टायमोमें तुम्हाआरी ओतु तेहलूज ओमे सेटे रोत ओतलू तियाअ मांहाआरी जिये पहीले पाप कोल्यु आना बिहीरा आखे माहुंहु ओमे पहिलुच कोत आपोहो का जर आय फासी आविलो ताहा सोडविणारू नाहा 3 काहाके तुमु ताहा याआ प्रमाण मागतेहे का ख्रिस्त मामेहे गोगीत होय जे तुम्हाकोअता अशक्त नाहा पण तुम्हामे समर्थी होय 4 तो लुलोहो मुळे कृसापो सोडवियू गोल्यो तेबी पण परमेश्वराआ सामर्थ्यावाही जिवंत होय आमुहू पण तीयाम अशक्त होय पण परमेश्वराआ सामर्थ्यावाही तुमाआ याकोअता त्याआरी जिवंत रोही 5 स्वतःहा पारखिल्यु पाला का विश्वासमेहे होय का नाहा, स्वतःहा पारखत्लू नाहाकोत तुम्हामे स्वतः विषयी मोलुम नाहा का येशू ख्रिस्त तुम्हामे होय ? नहाते तुमु पारखिल्यो बिनकामोओ निकलीलू होय 6 पोन माआ आशा होय का तुम्हामे मोलुम ओतगोल्यु जानारू का तुमु बिनकामोओ नाहा 7 आमु आपाआ परमेश्वराआ ए प्रार्थना कोअत्लू का तुमु किबी वाईट कोहू कायना, यकोअता नाहा का आमुहू खोरो देखिलो जोवे, पण यकोअता का तुमु हाजो कोअला जोवे, जेबी आमुहू बिनकामोओ ठराविलो 8 काहाके आमु सत्त्याआ विरोधाम किबी कोहू शकत नाहा, पण सत्यासाठीच कोहू शकतो 9 जाहा आमु अशक्त होय आना तुमु बलवान होय , ताहा आमुहू खुश ओतू , आना ए प्रार्थना पण कोअत्लू का तुमु पुरो ओतगोल्यु जाहू जोवे 10 यामुळे जर तुमाआ फासओ आव गोठी लेखातुलू , का उपस्थित ओतगोल्यु माहु तियाअ अधिकारा प्रमाणोओ ज्याहा प्रभूने बिगडाविलोकोते नाहा पण बोनाविलाकाजे माहु आपिलू होय वातडो डोआवाही वागुई कायना 11 आखरी ऐ पाहीही, आनंदाम रो , पुरो उवनारा जा; हिमंत मेका एकुच मोन ठेवमेकिलो रो , आना प्रेम आना शांतीचा दाता परमेश्वर तुमाआ आरी रोही 12 एक बिहराहा पवित्र चुंबनाने नमस्कार को 13 आखे पवित्र माहे तुम्हामे सलाम कोअता. 14 प्रभु यीशु मसीहा अनुग्रह आना परमेश्वरा आना प्रेम आना पवित्र आत्मा आ सहभागिता तुमु आखा आरी होती रोय.