1 CORINTHIANS
पहिला कोरिंथिया
1
पौलुसाआ वोगेरोत जो परमेश्वरा आ इच्छा से यीशु मसीहा आ प्रेरित उविला आ हदाडल्यु गोल्यु आना पाहि सोस्थेने साआ वोगेरोत बी 2 परमेश्वराआ तिया मडंली नावापो जी करिंथ मायते होय , म्हणजे त्याआ नाव जे ख्रिस्त येशुमेहे पवित्र कोल्यो गोये , आना पवित्र उविलाकोअता हादाडये गोये होय ; आना तियाअ आखाहाजो नावामेहे जे हरएक जागापो आमापोरोत आपाआ प्रभू येशु ख्रिस्ताच्या नावामेहे प्रार्थना कोअता 3 आमाआ आबहु परमेश्वर आना प्रभू येशू ख्रीस्तउगेरोत तुम्हामे कृपा आना शांती मिलतीरोय 4 आय तुमाआ विषयी आपाआ परमेश्वराआ धन्यवाद आखुवेल कोअत्लू, यकोअता का परमेश्वराआ कृपा तुमापो ख्रिस्त येशुमेहे उवी 5 का त्याआ मायरोन तुमु हरएक गोठीमे, म्हणजे आखे वचनोम आना आखे ज्ञानात श्रीमंत कोल्यु गोये 6 का ख्रिस्ताआ साक्ष तुम्हामे पाक्को निहीला जोवे 7 इहिंजा का कोडोबीही कृपादानामें तुम्हामे कोम कोल्यो नाहा, आना तुमु आमु प्रभू येशु ख्रिस्ताचे प्रगट ओनारो वात पालीत रोत्ले 8 तो तुम्हामे आखिर पर्यंत स्थिर कोअनारू का तुमु आम्हा प्रभू येशु ख्रिस्ताच्या दिहोमे निर्दोष निहीला जोवे 9 परमेश्वर खोरो होय , जीआ तुम्हामे आपाआ पुत्र आमाआ प्रभू येशु ख्रिस्ताच्या संगतीमेहे हादाडये होय 10 ऐ पाहीही, आय तुम्हामे आम्हा प्रभू येशु ख्रिस्ताच्या नावामेहे विंनती कोअत्लू का तुमु आखे एकुच गोठी कोआ, आना तुम्हामे फुट रोंहु नाहा, पण एकुच मोन आना एकाच विचारोओ ओतगोल्यु मिलित रो 11 काहाके ऐ माआ पाहीही, नीचे कुटुंबांआ माहु -माहु तुमाआ विषयामे कोल्यो होय का तुम्हामे चुलाल्यु उवनारा होय 12 माआ कोअलो अर्थ होय का तुमामेहेरोत कोडु ताहा स्वतःहा पौलाचा, ताहा कोडु अप्पुलोसचा, ताहा कोडु कैफाचा, ताहा कोडु ख्रिस्ताआ कोल्यो होय 13 नाहाकोत ख्रिस्ताहा तुमु भाग पोडीत आपिलू होय ? नाहाकोत पौल तुम्हाकोअता कृसापो सोडाव्यु गोल्यो? किंवा तुम्हामे पौलाचआ नावापो बाप्तिस्मे जोडयेहे? 14 आय परमेश्वराआ धन्यवाद कोअत्लू का क्रिस्पूस आना गयुस याहा सोडीत आय तुमामेहेरोत कोडोबी बाप्तिस्मे आप्यू नाहा 15 का एहलो उवूंहू नाहा का कोडु कोअही तुम्हामे माआ नावापो बाप्तिस्मे जोडयेहे 16 आना ओ आय स्तेफनाच्या कुटुंब पण बाप्तिस्मे आपलु याहा सोडीत माहु मोलुम नाहा का आय फासी कोडाआ बाप्तिस्मे आपिलू 17 काहाके ख्रिस्ताने माहु बाप्तिस्मे आपिलाकोअता नाहा ताहा सुवार्ता कोइलकोअता मोक्ल्यीत होय आना ओ पोन शब्दांआ ज्ञानाप्रमाणे नाहा, एहलो उवूंहू नाहा का ख्रिस्ताआ क्रूस व्यर्थ ठराविलो 18 काहाके क्रुसाची गोठी नाश कोअनाराखाकोता मूर्खता होय पण आपु तारण मोक्लायू परमेश्वराआ सामर्थ्य होय 19 काहाके लेखिलो होय , “आय ज्ञानवानांच्या ज्ञानाह नाश कोअनारू आना समजीलोपेक्षा होमजुहूजोवे तुच्छ कोईत देही ” 20 का रोला ज्ञानवान? का रोला शास्त्री? का रोला आव जगाआ गोगाड्नारु ? नाहाकोत परमेश्वराने जुगाआ ज्ञानाह मूर्खता ठेरव्यो नाह 21 काहाके जाहा परमेश्वराआ ज्ञानाप्रमाणे संसाराआ ज्ञानाने परमेश्वाराला ओलखे नाहा ताहा परमेश्वराआ ओ हाजो वाटेम का आव प्रचाराच्या गांडाहारखो विश्वास कोआनाराहा तारण आपी 22 यहुदी ताहा चिन्हे मागे आना युनानी ज्ञानाच्या होदिअलो होय 23 पोन आमु ताहा तिया कृसापो सोढविलो ओतलू ख्रिस्ताआ प्रचार कोटलू जे यहुद्यांसाठी ठोकराचे काहाके आना बिहरे जातीकोता मूर्खता होय 24 पोन जे हादाडये होय ते नाहाकोत यहुदी , नाहाकोत युनानी, त्यांआपो ख्रिस्त परमेश्वराआ सामर्थ्य आना परमेश्वराआ ज्ञान होय 25 काहाके परमेश्वराआ मूर्खता माहाहा ज्ञानापोरोते ज्ञानवान होय आना परमेश्वराआ लुलोहो माहाहा परयापरत जास्तीज हिम्म्तवालो होय 26 ऐ पाहीही, आपाआ हाद्नारू जाण्याआ फूस को शरीराप्रमाणे ताहा जास्तीज ज्ञानवान आना जास्तीज सामर्थी नाहा आना कुलीन एहलो हादाडये गोये नाहा 27 पोन परमेश्वराने जुगाआ मूर्खानां निवडीत लेधलो म्हणजे ते हुशारमाहुउ लज्जीत कोअनारू आना परमेश्वराने जुगाआ लुलोहोतगोईलू निवडीत लेधलो होय का जोरावाराह् लज्जीत कोअनारू 28 परमेश्वराने संसारामेरोत त्याहा पण निवडील्ये जे निसे ओते आना त्याआ शिवलाकोआतली कोल्योओ जात ओतु आना ते जे किबी नाहा परमेश्वराने एहलाहा निवडील्ये म्हणजे संसर ज्याहा कितेबी होमजीत्लू त्याहा तो नाश कोअनारू 29 म्हणजे परमेश्वराआगाडीही कोड्लूच माहहू गर्व कोहू सेकेहे नाहा 30 पोन तुमु येशु ख्रीस्तात त्याज कारनोवाही स्थिर होय तोच परमेश्वराआ वरदानाआ रुपात आमाआं बुद्धी बोणीत गोये होय त्याज त्यापोरत आमुहू निर्दोष ठरविल्यो होय म्हणजे परमेश्वराआ साखजपर्ण उवे आना पापापोरोत सुटीत मिले 31 जेहलो का शस्त्रामेहे लेखिलो होय , “जर कोडाआ किबी गर्व कोईओलो होय ताहा तो प्रभू माय आपाआ स्थितीचा गर्व कोईओलो.”