2
ऐ पायहो जाहा आय परमेश्वरा आ भेद होमलते रोत तुमा आ होय आयु ते शब्दा आ या ज्ञाना आ उत्तमता आ आरी नाहा आयु 2 काहाके आय ओ ठेरवील्यो लेधलो ओते का येशु ख्रिस्त पण कृसापो चढवओल्य ख्रिस्ताहा सोडीत कोडोबीही बिहीरा गोठीकोता मोलुम कोअनारू नाहा 3 आय अशक्त पोनामे ओ आना भितीपोरोत आना जास्तीज कापीत ओतलू तुम्हाआरी रोला 4 आना माआ वचन आना माआ प्रचारामध्ये ज्ञानाह विहिरावणारी गोठी नाहा पण आत्माआ आना सामर्थ्याचे प्रमाण ओते 5 यकोअता का तुमाआ विश्वास माहाहा ज्ञानावर नाहा पण परमेश्वराआ सामर्थ्यापअ अवलंबून होय 6 तेबी पण हीदू माहुंमे आमुहू ज्ञान उनावूत्लु पण तिया संसाराआ आना आव संसाराआ नाश उवनारू ह्कवाही ज्ञान नाहा 7 पोन आमु ते गुप्त ज्ञान जे उघड नेसलेल्या रीतीपो कोतलू ज्याहा परमेश्वराने सनातना त्यापोरोत आम्हा गौरवकोअता नियुक्त कोल्यु होय 8 जे जुगाआ हाकीमांमधून कोडूच ओलखे नाहा काहाके जर तिये ओलखे ओते ताहा तेजस्वी प्रभूहु कृसापो चोढावीत कायनाओतो 9 पोन जेहलो लेखिलो होय , "ज्या गोठी डोआवाही पोयतो नाहा, कानाकी उनाइतल्या नाहा, आना ज्या गोठी माहाहा विचारोम आव्या नाहा त्याआ होय ज्या परमेश्वराने आपाआ प्रेम कोनाराकोता बानावल्या होय 10 पोन परमेश्वराने त्याहा आपाआ आत्म्याआ त्यापोरत आम्हा उपो प्रगट कोल्यु काहाके आत्माआ आखे गोठी पारखुन लेहो एवडोज नाहा ताहा परमेश्वराआ नीकाईसरोल्या गोठी पण पारखिल्यु लेहो 11 माहामेहरोत कोडू कोडोबीही माहाहा गोठी पारखिल्यु लेहो फक्त माहांआ आत्माआ जी तीयाम होय तेहलूज परमेश्वराआ गोठी पण कोडोबी मोलुम नाहा फक्त परमेश्वराआ आत्माच जाआत्लू 12 पोन जाहा जगाओ आत्माआ नाहा, पण तो आत्माआ मिल्यू होय जो परमेश्वारापोरोत होय म्हणजे आमुहू तियाअ गोठी होमजुत्लू ज्या परमेश्वराने आमुहू आप्या होय 13 आमु मांहुहू हिकाडीलो गोठीपो नाहा पण आत्मावांहि हिकाडीलो गोठीमेहे ज्याहा आत्मिक गोटीआरी मिलवीत उनाडत्लू 14 पोन शारीरिक मांहु परमेश्वराआ गोठी हिकाडीत नाहा, काहाके ते त्याआ नजरोम मुर्खातिही गोठी सारखो होयेआने नाहा ते तीही होम्जीलो सेकतेहे काहाके त्याआ पारख आत्मिक रीतीवाही ओते 15 आत्मिक जोओ आखे किबी पारखितो , पण तो स्वतः कोडापरोत समजीत्लू जात नाहा 16 "काहाके प्रभूऊ मोन कोडाआ मोलुम होय का त्याहा हिकाडीलो? पण आमाहामेरोत ख्रिस्ताचे मोन होय.