3
ऐ पायहो आय तुमुहुआरी एहली रीतीवाही गोठयु नाह मेकित सेक्यु जेहलो आत्मित माहा आ आरी पोन जेहले शारीरिक माहाआ आरी आना त्याआ जे मसीह मेहे पोरये होय 2 आय तुम्हामे दुध पिवाल्यो, रोटू आपिलू नाहा काहाके तुमु त्याहा खाऊ शकत नाहाआत्लू पोएके न ओमे पर्यंत तुमु खाऊ शकत नाहा 3 काहाके ओमे पर्यंत शारीरिक होय , यकोअता का जेव्हा तुम्हामे डाह आना लोळाई होय ताहा नाहाकोत तुमु शारीरिक नाहा? आना नाहाकोत माहाहा रितिमे चालते नाहा? 4 काहाके जाहा एक कोतलू, "आय पौलाचा होय , आना बिहरु आय अप्पुलोसाचा होय , ताहा नाहाकोत तुमु मांहु नाहा? 5 अप्प्पुलोस नाहाकोत होय ? आना पौल नाहाकोत होय ? फक्त पावर ज्याआ मार्फत तुमु विश्वास कोल्योओ जेहलो प्रत्येकाहा प्रभूऊ आपिलू 6 आय लागाडले अप्पुलोसाने सिंचले, पण परमेश्वराने वोडेक्यो 7 यकोअता नाहा का लागाळणारू किबी होय आना नाहा सिंचणारा पण परमेश्वराआ आखे किबी होय जो वोधावनारो होय 8 लागाळणारू आना सिंचन कोअनारे ओ बेन एकुच होयपण हरएक माहहू आपाहाच परिश्रमाने आपाआ मोजरी मेलविनारू 9 काहाके आमु परमेश्वराआ आरिजकामकोअतेहे होय ; तुमु परमेश्वराआ खेत आना परमेश्वराआ बोनाडल्ये होय 10 परमेश्वराआ तिया कृपेच्या अनुसार जे माहु आपिलू होय , आय बुद्धिमान राजमिस्त्र्यासारखा गुडू टाक्यू आना बिहीरा त्याआपो राद्दा मेकतुल्यो पण हरएक माहुई सावध रोअलो का तो त्याआपो केहलु बांधकामो कोअत्लू 11 रीगडल्यो गुडू जो येशूख्रिस्त त्याहा सोडीत कोडु बिहरु गुडू टाकुहू शकत नाहा 12 जर कोडु आव गुडापो होनो किंवा चांदी किंवा किमतिई डोणो किंवा लाकड़ो किंवा चारू किंवा भूसांआ काम को 13 ताहा हरएक काम उघड उवे काहाके तो दीही कोअही यकोअता का तो अग्निबारोबर प्रगट उवे आना ती आगी प्रत्येकाआ कामाकोता पारकलु का ते एहलो होय 14 ज्याआ काम गुडापो स्थिर बोणीत रोही तो मोजरी मिलवे 15 जर कोडाआ काम बोलीते जानारू ताहा तो तिया तोटा उवे पण तो स्वतः वचल्लू जाइअलो पण पेटीत -पेटीत बारथे पोड्ल्याहोस 16 नाहाकोत तुम्हामे मोलुम नाहा का तुमु परमेश्वराआ मंदिर होय आना परमेश्वराआ आत्माआ तुम्हामे रोतलू 17 जर कोडु परमेश्वराआ मंदिराआ नाश कोअनारू ताहा परमेश्वर त्याहा नाश कोअनारू काहाके परमेश्वराआ मंदिर पवित्र होय आना ते तुमु होय 18 कोडु स्वतःहा फ्साविल्यो लेऊ नाहा जर तुमामेरोत कोडु आव जगात स्वतःहा ज्ञानी होमजुत्लू, ताहा तो मूर्खपणा ज्ञानी ओतगोल्यु जानारू 19 काहाके आव जगोआ ज्ञान पर्मेश्वराअरी फोगु होय जेहलो लेखिलो होय , “तो हुशारमाहुउ त्याआ चतुरामेहे फ्साविल्यो आपोहो” 20 आना फासाड़ी ज्ञानवानाचे फूस मोलुम होय ते व्यर्थ होय 21 त्यापोत माहुहीई काहीही गर्व कोहू कायना, काहाके किबी तुमाआ होय 22 नाहाकोत पौल, नाहाकोत अप्पुलोस, नाहाकोत कैफाके जगत , नाहाकोत मोईतगोल्यू, नाहाकोत वर्तमान, नाहाकोत भविष्य, आखे किबी तुमाआ होय 23 आना तुमु ख्रिस्ताचे होय आना ख्रिस्त परमेश्वराआ होय.