12
जर गर्व कोईओलो माकोअता आरी नाहा तेबी पण कोईओलो लागेहे , त्यापोत आय प्रभूऊ आपल्या दर्शन आना उजवाडो चर्चा कोअनारू , 2 आय ख्रिस्तामध्ये उनाआ मांहाहा ओलखीतलु चौदा वर्ष उवे मोलुम नाहा शरीरोरी किंवा आगओरीजे परमेश्वराआ मोलुम होय एहेलू मांहु तिसऱ्या होर्गो पर्यंत विशिलो गोल्यो 3 आय एहलो मांहाहा ओलखीतलु की जाऊ डीलोसहीत की जाऊ डीलोबीना परमेश्वरूच जाअतू ओय . 4 का स्वर्ग माहुंमे विसित लेदो गोल्यो आना एहलो गोठी उनाइतल्या ज्या कोअला नाहा, आना ज्याआ सोबाडीपो लावूअलो मांहाहा योग्य नाहा 5 एहलो मांहुंपो ताहा आय गर्व कोअनारू , पण आपापो आना आपाआ अशक्त पण सोडीत , आपाआ विषयी गर्व कोअनारू नाहा 6 जर आय गर्व कोअला इच्छा कोअनारू पण तेबी फोगु उवे नाहा काहाके खोरो गोगनारू, तेबी पण थोबिलो जात्लू एहलो उवूंहू नाहा का जेहलो कोडु माहु पालत्लू किंवा मापोरोत उनात्लू माहु त्यापोरोत जाखा होमजतोलो 7 यकोअता का आय प्रकटीकरणाच्या भरपुरीने फुल्त्लू जाऊ कायना,, माआ डीलोम एक काटू टोचल्यो गोल्यो म्हणजे सैताणाआं एक दूत माहु ओ देही म्हणजे आय फुल्त्लू जानारू नाहा 8 याविषयी आय प्रभूहु तीन टायमोआ विनंती कोअयी का मापोरोत ओ सेटे ओतगोल्यु जाहू जोवे 9 पोन तिये माहु कोल्यो , “माआ कृपा ताकोअता खूप होय , काहाके माआ सामर्थ्य अशक्त पनोमेहे सिद्ध ओते ”, त्यापोत आय वोडा आनंदावाही आपाआ अशक्त पणा उपो गर्व कोअनारू , ख्रिस्ताचे सामर्थ्य मापो सावलू कोईत रोनारु 10 यामुळे आय ख्रिस्तामध्ये अशक्त पनोमेहे , आना निंदेत, आना लुलो , आना उपद्रवमेहे , आना संकटाम खुश होय काहाके जेव्हा आय अशक्त उवनारा रोतो तेबी पण ताकतवान ओतू 11 आय फोगु ताहा बनलो, पण तुमुज माहु ओ कोइलाकाजे ओ भाग पाडिलो , तुमु ताहा माआ प्रशंसा कोअला जोवे, काहाके आय जर किबी नाहा तेबी , पण तियाअ वोडा प्रेषिताहून कोडोबीही गोठीमे कोम नाहा 12 प्रेषितांआ चिन्ह पण तुम्हामे आखे प्रकारोअओ धीरजप्रमाणे चिन्ह आना अदभूत कानोवाही आना सामर्थ्याआ कानोवाही देखादये गोये 13 तुमु कोडला गोठीमे बिहीरा मोडलीही कोम ओते फक्त यामेहेज का आय तुमापो आपाआ बोजो टाक्यू नाहा माआ ओ अन्याय क्षमा कोईओलो 14 पाला , आय तिसऱ्या टायमोमें तुमापोओ आवूहू तीयार होय आना आय तुमापो किबी वोझो टाकही नाहा काहाके आय तुमाआ धनदौलत नाहा पण तुमुज माहु जोवे, काहाके पोऱ्या आईआबाह धन नाहा एखटो कोअला जोवे पण आईआबा पोरयाकोता 15 आय तुमाआ आत्माकोते जास्तीज आनंदावाही खोर्चू कोअनारू पण स्वतः पण खोर्चू ओतगोल्यु जानारू नाहाकोत जेवडे जाखो आय तुमापो प्रेम कोअत्लू तेवडोग कोम तुमु मापो प्रेम कोअनारू ? 16 एहलो ओवुहू सेकोहो का आय तुमापो वजन टाक्यू नाहा पण चतुराईवाही तुम्हामे फ्साविल्यो लेधलो 17 हाजो ज्याहा आय तुमापोओ मोक्ल्यीत नाहाकोत त्यामरोत कोडाआ सोबिहारकुजे आय छळ कोईत तुमापोरोत किबी लेधलो? 18 नाहाकोत आमुहू एकाच आत्माआ नाहा चालविलो ? नाहाकोत एकाच चिन्हावर जातले नाहा? 19 तुम्हामे ओमेजा वाटत होय का आमुहू तुमाआगाडी प्रत्युत्तर आपित रोल्या होय , आमुहू ताहा परमेश्वराआ उपस्थित होमजीत ख्रीस्तात गोगीत होय आना ऐ प्रीयानो, आखे गोठी तुमाआ वृधीत कोल्यो होय 20 काहाके माहु बीइलो होय का कोठे एहलो उवूंहू नाहा का आय आविलो जेहलो माआ इच्छा होय तेहलूज तुम्हामे पलणारू, आना तुम्हामे चुलाल्यु, डाह , राग , विरोध , ईर्ष्या, लागाडीलो, गर्व आना अव्यवस्था ओतगोल्यु जानारू 21 आना एहलो उवूंहू नाहा का माआ परमेश्वर माआ फासी तुमाआ इही आविलो मापो वोझो टाकही आना माहु खूप जनासाठी दुख कोईओलो लोग जिये पहीले पाप कोल्यु ओते आना वाईट काम आना व्यभिचार, जारकर्म, जो तिये कोल्यु पश्चाताप कोल्योओ नाहा.