11
जर तुमु माआ थोडोज मूर्खपणा सहन कोईत लेधलो ओते ताहा केतो हाजो उवे ओते होय , माआ सहन कोईत ल्या 2 काहाके आय तुम्हबारमे ईश्वरीय लागाडीत रोतलू यकोअता का एकाच माटीरी तुमाआ गोठी लागाडयी होय का तुम्हामे पवित्र कुवारिजे मसीही ई होफहोपिन आपा 3 पोन आय बित्लू का जेहलो हापोओ आपाआ हुशारीवाही हवाला फासाल्यू ओते तेहलूज तुमाआ मोनाआ तियाअ शरणतेने आना पवित्रतेने जे ख्रीस्ताबरोबर उवूंहू जोवे का भ्रष्ट कोल्यु जाऊ कायना 4 जर कोडु त्याजागे आविलो कोडू बिहीरा यीशु प्रचार कोअनारू , ज्याचा प्रचार आमुहू कोल्योओ नाहाताहा कोडु बिहीराहा आत्माआ तुन्हाला जोडीत , जो पेल्ल्लु मिल्यू नेओतू आना फासी बिहरि सुवार्ता उनानारू जीला तुमु पहीले मान्ये नाहाआत्लू ताहा त्याहा तुमु सहन कोईत लत्ले 5 आय ताहा होम्जाडीलो होय का आय कोडोबीही गोठीमे वोडेवोडे प्रेषिताहून कोम नाहा होय 6 जर वास्तवामध्ये न शिकायला होय तेबी पण ज्ञाना माय नाहा आमुहू याहा हरएक गोठीमे आखे प्रकाराने तुम्हाकोअता प्रकट कोल्यु होय 7 नाहाकोत यामे आय किबी पाप कोल्योओ का आय तुम्हामे परमेश्वराआ सुवार्ता लीन उनाविलो आना स्वतःहा निसे कोल्यु का उचो उवूंहू जोवे? 8 आय बिहीरा मंडळ्मेहे लुट्ये, म्हणजे आय त्यापोरोत मंजुरी लेदि म्हणजे तुमाआ सेवा कोहू 9 आना जेव्हा आय तुम्हाआरी ओतू आना माहु कोम उवी ताहा आय कोडापो ए बोझ टाक्यू नाहा काहाके पाहीही मासेदोनियेहून आविलो माआ गोरोज पुरो कोअयी आना आय हरएक गोठीमे स्वतःहा तुमापो बोझ बोनीलाकाजे उबोराखिलो आना थोबाडीत रोही 10 जर ख्रिस्ताची खोरो पणा मामेहे होय ताहा अखया त्याहा कोडूच माहु आव गर्वापासून उबराखील नाहा 11 काहा ? नाहाकोत आय यकोअता आय तुम्हामे प्रेम कोईत नाहा? परमेश्वराआ ओ मोलुम होय का आय प्रेम कोअत्लू 12 पोन जे आय कोअत्लू तोच कोईत रोही का जे माहे संधी होदतेहे त्याहा आय संधी सापडे आपी नाहीम्हणजे ज्या गोठीमे ते गर्व कोअता त्यामे ते आमाहोस उवूंहू जोवे 13 काहाके एहलो माहे खोटो प्रेषित आना सोदिलो काम कोअनारे आना ख्रिस्ताच्या प्रेषितांचा रूप दोनाराआ होय 14 ए किबी आश्चर्याची गोठी नाहा काहाके सैतान स्वतः पण ज्योतीमय स्वर्गदूत रूप धारण कोअत्लू 15 त्याकोता जर त्याआ पावर पण धोर्मी सेवाकोनाराकोता रूप तोणार ताहा किबी वोडी गोठी नाहा पण त्याआ आखिर त्याआ कामापोरोत उवे 16 आय फासी कोतलू का कोडु माहु फोगु होमज्यू कायना नहाते फोगु होमजीत माआ सहन कोईत ल्या म्हणजे थोडोज आय पण गर्व कोहू सेकेहे 17 आव बेधडक डामर्यो जे किबी आय कोतलू ते प्रभूउ आज्ञेने नाहा पण सोमजा फोगु पणानेच कोतलू 18 जाहा जास्तीजहोये माहे शरीराप्रमाणे गर्व कोअता ताहा आय पण गर्व कोअनारू 19 तुमु ताहा समजदार ओतगोल्यु आनंदावाही गांडा सहन कोईत लत्ले 20 काहाके जाहा तुम्हामे कोडु दास बोणाडीत लत्ले किंवा खात जात्लू, किंवा फ्साविल्यो लेहो किंवा स्वतःहा वोडो बोणाडीत लेहो किंवा तुमाआ सोबाडीपो थापड देतलू ताहा तुमु सहन कोईत लत्ले 21 माआ कोअलो अनादराच्या रितीवरच होय सोमजा आमुहू याकोअता अशक्तासारखे ओते पण ज्या कोडला गोठीमे कोडु हिमंत कोईत आय गांडीपनाकी कोतलू, ताहा आय पण हिमंत कोअत्लू 22 नाहाकोत ते इब्रानी होय ? आय पण होय , नाहाकोत तोच इस्राएल होय ? आय पण होय नाहाकोत तोच अब्राहामाआ वंश होय ? आय पण होय 23 नाहाकोत तोच ख्रीस्ताचे पावर होय आय गाडोहोस कोतलू आय त्यापोरोत आगाडी होय जाखो परिश्रम कोअलाआ, फासी -फासी कैद होनारो, फटके खाअलोअ , टायमोटायमोपोके मोईला जखमेहे 24 पाच टायमोआ आय यहुद्यांआ आथोवाही एकोणचाळीस फटके खाले 25 तीन टायमोआ आय बेत खाले, एक टायमोआ मापो डोणोवांहिदेत कोअलाआ आवयू तीन टायमोआ जहाज जियीपो आय सोढयू ओतू तुटीगोल्यो गोयी, एक रातदीही आय समुद्राम काढ्ये 26 आय वेल टायमोमें जात्रा, खाडीही दुखायलोमेः, डाकुंच्या जखमेहे , आपाआ जातीई जखमाहोयतगोय्ली , डोगोओ जखमाहोयतगोय्ली , समुद्राआ जखमाहोयतगोय्ली , झुटो पाहीमे जखमाहोयतगोय्ली रोला 27 परिश्रम आना मेह्न्तिमेह टायमोटायमोपोके जागेहे रोआलो, बुखो तोरोनलागीही , वेल टायमोमें उपास कोईलामे, जडाम, उगडे रोअलोमेहे ; 28 आना बिहीरा गोठीही सोडीत ज्याआ वर्णन आय कोईत नाहा आखे मंडळीची चिंता आय हरएक तेदीही माहु दाबिलो ओते 29 कोडाआ अशक्तपणाने आय अशक्त उवनारा नाहा? कोडु पेलरोत खाइताहा माआ जीव दुखालो नाहा 30 जर गर्व कोईत जरुडी होय ताहा आय आपाआ अशक्त पनाआ गोठीपो गर्व कोअनारू 31 प्रभू यीशु परमेश्वर आना जो आखीवेल धन्यवादीत होय , मोलुम होय का आय खोटो गोगीत नाहा 32 दामिश्कामध्ये आरीतास राजापरत जो बळवो ओतु तिये माहु तोओलाकोता दामिश्काच्या नगराउपो राखोन बोहाडीलो ओतु 33 आना आय टोप्लीमेहे बोहाडीत खिडकीमेरोत ओतापरोते उतरित गोल्यो आना त्याआ आथोमरोत वासित गोल्यो.