10
आय तोज पौल जो तुमाआगाडी नम्र होय पण फासओ तुमाही हिमंत कोअत्लू का तुम्हामे ख्रिस्ताची नम्रता आना समस्यामुळ समजाड्त्लो 2 आय ए विनंती कोअत्लू का तुमाआगाडी माहु वातडो ओतगोल्यु हिमंत कोअला पोडहू कायना जेहलो आय किबी माहाहूपो जे आमुहू शरीराप्रमाणे चालणारो होमजीतेहे हिमंत देखाडीलो फूस कोअत्लू 3 काहाके जेबी आमुहू आगोमेऱ्यो चालीलो, फिरत्लो तेबी डीलोहोसे सुलायलो नाहा 4 काहाके आमु भानगडीइ आत्हार शरीरिक नाहा पण किल्ले पोडीत ताकिलाकोअता परमेश्वराआ त्यापोरत सामर्थी होय 5 त्यापोत आमुहू फुसिलो आना हरएक गोठी जे परमेश्वराआ ओलखीनाऱ्या विरोधाम उभे रोनारे त्याहा टूगंवालीत आपोहो आना हरएक विचारांना बंदी कोईत ख्रिस्ताचे आज्ञाकारी बनाडत्लू 6 आना तीयार रोतलू का जेव्हा तुमाआ आज्ञा पालीत पुरो ओतगोल्यु जानारू ताहा हरएक एह्लाम आज्ञा बागेहे शिक्षाम कोईली 7 तुमु त्याआ गोठीही पाला ज्या डोआआगाडी होय जर कोडाआ स्वतः उपो भोरुसो होय का आय ख्रिस्ताआ होय त्याहा पण मोलुम जोवे का जेहलो तो ख्रिस्ताआ होय तेहलूज आमुहू पण होय 8 काहाके जर आमु तिया अधिकाराविषयी फासी गर्व देखाड्नारू जो प्रभूऊ तुमाआ बिगडाविला नाहा बोनाविलाकाजे आपिलू होय ताहा लाजवालो नाहा 9 ओ तुम्हामे यकोअता कोतलू का पत्राआरी तुम्हामे बिवाडानारू आय ओवुहू कायना 10 काहाके ते कोअता त्याआ पत्र ताहा जाखोज आना जोरदार होय पण जेव्हा तो आगाडी रोतो ताहा तो आगोमेऱ्यो दुर्बळ आना त्याआ व्यक्तव्य ओलको लागेहे 11 जो एहलो कोतलू त्याहा मोलुम रोहू का एहलो आम्हा फासओ आम्हा पत्रामेह आमुहू वचने होय तेहलूज तुमाआगाडी आमुहू काम पण होय 12 काहाके आमुहू एवडी हिमंत नाहा का आमुहू स्वतः ला एहलो मांहाआरी गणतलू जानारू किंवा त्याआरी आपाहा मिलायेहे जे स्वतः ची प्रशंसा स्वतः कोअता आना स्वतःहा आपसामेहे मापोवांही तोलीत एकातबिहीरा मिलून फोगु ठरवील्यु 13 आमु जर बाडारी बारथे गर्व कोनारू नाहा ताहा पण यता हिवाजागे जी परमेश्वराने आमच्यासाठी ठरविले होय आना त्यामे तुमु पण आविलो गोये होय आना त्याज प्रमाणोओ गर्व पण कोअनारू 14 काहाके आमु आपाआ बाडारी बारथे स्वतःहा वाड्विनारू इच्छा कोईत नाहा जेहलो का तुमाजागेजा पोचाड्नारो अवस्थाम रोल्या ओते पण ख्रिस्ताची सुवार्ता उनाईत ओतलू तुमाजागेजा पोतडहु गोये ओते 15 आमु बाडारी बारथे बिहीरा कष्टापो गर्व कोईत नाहा पण आमुहू आशा होय का जेहलो- जेहलो तुमाआ विश्वास वाढल्या जाइअलो तेहलूज- तेहलूज आमुहू आपाआ बाडारी अनुसार तुम्हामुळे फासी वोद्तो जानारू 16 म्हणजे आमुहू तुमाआ बाडारी आगाडी जात सुवार्ता उनानारू आना एहलो नाहा का आमुहू दिहीरा सिमेमेहे बनवल्या कामापो गर्व कोअनारू 17 पोन जो गर्व कोअनारू , तिये प्रभूपो गर्व कोईओलो 18 काहाके जो आपाआ प्रशंसा कोअत्लू तो नाहा पण त्याआ प्रशंसा प्रभू कोअत्लू, तो तोअले जात रोतो.