9
ओमे तिया सेवाआ विषयी जी पवित्र माआहुकोअता कोअयी जाहो माहु तुम्हामे लेखिलो गोरोज नाहा 2 काहाके आय तुमाआ मोनोमेहे तीयारओवेए ओलखीतलु ज्यामुळे आय तुम्हबारमे मासेदोनियाच्या रोनाराआगाडी गर्व देखाडत्लू का अखयाचे माहे उनाआ वोरोन तीयार उवे होय आना तुमाआ उत्साहाने आना जास्तीज जोह उभे कोल्यु होय 3 पोन आय पायहोहो यकोअता मोक्ल्यीत होय का आ आमु जो गर्व तुमाआ विषयी देखाड्यो होय , तो आव गोठीमे व्यर्थ ओवुहू कायना पण जेहलो आय कोल्यो तेहलूज तुमु तीयार रो 4 एहलो उवूंहू नाहा का जर कोडु मासेदोनियाच्या रोनारू माआ आरी आविलो आना तुम्हामे न तीयार ओवल्यु पालीलो ताहा ओवुहू सेकोहो का आव खात्रीचे काहाके आमुहू ओ कोल्यो नाहा का तुमु लाजआली उवूंहू जोवे 5 त्यापोत आय पायहोहो ए विनंती कोईओलो जरुरी होमज्ये का ते पेलरोत तुमापोओ जाहू जोवे आना तुमाआ उदारकोयलो फोल ज्यावीरूढ पेलरोत वचन आपिलू गोये ओते , तीयारी कोईत मेकजी का ओ दाबावु नाहा ताहा उदारतेच्य फळापरत तीयार उवे 6 पोन ए गोठी होय का जो कोम पेअत्लू तो थोडो काट्नारू; आना जो जाखो पेअत्लू तो जाखो काट्नारू 7 हरएक जोओ जेहलो मोनुमे फूस कोअनारू तेहलूज दान आपिलो कुरकुर कोईत नाहा आना जबरीवाही पण नाहा, काहाके परमेश्वर खुश आपनारा प्रेम कोअत्लू 8 परमेश्वर आखे एह्लाम कृपा तुम्हामे जाखो कोईत आपोहो जीमेहे आखे गोठीमे आना हरएक टायमोमें आखे किबी तुम्हामे गोरोज होय तुमापोओ रोंहु जोवे आना हरएक हाजा कामाकोअता तुमापोओ जाखो किबी रोंहु जोवे 9 जेहलो लेखिलो होय , “तिये एखलाआ , तिये गोरब्योहो आपिलू, त्याआ धर्म आखे काळा टीकित रोही” 10 कोईत जो पोओनाराआ बी आना खाअलाकाजे भाकर आपोहो तो तुम्हामे बी आपी आना त्याहा फळदृपी कोअनारू आना तुमाआ धर्माच्या फोलोओ ओदाडेल 11 तुमु हरएक गोठीमे आखे एह्लाम उदारतेसाठी जे आमापोरोत परमेश्वराआ धन्यवाद आपोहो तीयाम श्रीमंत बोणीत जा 12 काहाके ए सेवा पुरो कोलाकोता पवित्र लोकांची च गोरोज पुरो ओते एहलो नाहा माहापोरोत परमेश्वराआ पण जास्तीज धन्यवाद ओतू 13 काहाके आव सेवेला प्रणाम स्वीकारीत परमेश्वराआ गौरव प्रकट कोअत्लू का तुमु परमेश्वराआ मसीही ई सुवार्तेला मानीत त्याआ प्रती समर्पित राहतातत्याची ए आखाआरिजे मदत कोअलाआ औदार्य प्रकट कोअता 14 आना ते तुम्हाकोअता प्रार्थना कोअता आना यकोअता का परमेश्वराने तुमापो वोडी कृपा कोअयी होय तुम्हबारमे उत्कंठा बाळगतो 15 परमेश्वराआ त्याआ तिया दानोंओ जे अवर्णीय होय स्तुती होय.