8
ओमे ऐ पाहीही, आय तुम्हामे परमेश्वराआ तियाअ कृपाआ खोबोर आपोहो जी मासेदोनियावर मोंडली उवी होय 2 का संकटा च्या वोडा परीक्षेमेहे त्याआ वोडू आनंद आना हाजा दरिद्र्यामेहे त्याआ उदारता जास्तीज वादिगाल्यो होय 3 त्याआ विषयी माआ ए साक्ष होय का तिये आपाआ सामर्थ्यावाही पोईत शक्तीचे पण बारथे आपिलू होय 4 आना आव दानेमेहे आना पवित्र मांहाहा सेवा गोवाद्या उविलाआ कृपेच्या विषयाम आमुहू फासी -फासी जास्तीज विनंती कोअयी 5 आना जेहलो आमुहू आशा कोअयी ओती तेहलूज नाहा पण तिये प्रभूहु फासी परमेश्वराआ इच्हावाहि आमुहू पण स्वतःहा आपित आपिलू 6 त्याकोता आमुहू तीतुसला होमजाद्योहो, का जेहलो तिये पहीले शालूकयके कोअयी ओती तेहलूज त्यामे आव दानाआ कामाकोता पण पुरो कोईत लेदलेए 7 यामुळे जेहलो तुमु हरएक गोठीमे म्हणजे विश्वास, वाचन, ज्ञान आना आखे एह्लाम प्रयत्नात आना प्रेमाम जे आमापो कोअता, वोद्त्ले, तेहलूज आव दानाआ कामोम पण वोद्तो जा 8 आय आज्ञहे रीतीपो ताहा नाहा पण दिहीरा उत्साहाने तुमाआ प्रमाहा खोरावाही पारखिलोओ कोतलू 9 तुम्हामे आम्हा प्रभू येशू ख्रिस्ताची कृपा मोलुम होय का तो श्रीमंत ओतलू पण तो तुम्हाकोअता गरीब पोयो म्हणजे त्याआ गरीब ओत्गोयलो तुमु श्रीमंत उवे 10 आव गोठीमे माआ मोत कोतलू, ओ तुम्हाकोअता हाजो होय , जे उनाआ वोरोन नाहा फक्त आव कामाकोता कोइलो; पण आव गोठीकोता आवाडाविलो तोईलो पण पहीले आव्ये ओते 11 त्यापोत ओमे आव कामाकोता पुरो को का जेहलो आवाडाविलो तोईलो तुमु तीयार ओते तेहलूज आपाआपा परिस्थितीनुसार ओ पण पुरो को 12 काहाके जर मोनाआ तीयारी होय , त्यावाही दान पोन होवकोयत जाहो , जे त्याजागे होय किंवा त्याहोस नाहा जे त्याजागे नाहा 13 ओ नाहा का बिअराहा आराम आना तुम्हामे दुख मिलुजोवे 14 पोन हारखज विचाराआ आव टायमोमें तुमाआ वतुलू , त्याआ कोम उविलाआ कामोम आविलो, म्हणजे त्याआ वतुलू पण तुमाआ कोम होनारो कामाकोता आविलो जोवे म्हणजे आरी ओतगोल्यु जानारू 15 जेहलो लेखिलो होय , जीआ जाखो एखटो कोल्यु त्याआ किबी निकलीलू नाहा आना जीआ कोम एखटो कोल्यु त्याआ किबी कोम निकलीलू नाहा 16 परमेश्वर धन्यवादित होय, जीआ तुम्हाकोअता तेज किरवाय तीतूस च्या मोनामेहे टाक्यी होय 17 का तिये आमुहू सामजाडीलो मानीत लेधलो पोन जास्तीज उत्साही ओतगोल्यु तो तुमापोओ आवयू होय 18 आमु त्याआरी तिया पायहोहो पण मोक्ल्यीत होय त्याआ नाव सुवार्ते विषयी आखे मोडंली माय पसरीलिय होय 19 आना एवडोज नाहा पण तो मंडली त्यापोरत नियुक्त पण कोल्योओ गोल्यो का आव दानाआ कामामुळे आमाआरी आविलो जोवे, आमुहू ए सेवा यकोअता कोअत्लू का प्रभूऊ गौरव आना आम्हा मोनाआ तीयारी प्रकट ओतगोल्यु जाहू जोवे 20 आमु आव गोठीमे सावध रोतलू का आव उदारतेच्या कामाविषयी ज्याआ सेवा आमु कोअत्लू, कोडु आमापो दोष लागाडहु कायना 21 काहाके ज्या गोठी फक्त प्रभू जागेज नाहा ताहा माहोआरी पण हाजी होय आमुहू त्याआ चिंता कोअत्लू 22 आमु त्याआरी आपाआ पायहोहो पण मोक्ल्यीत होय ज्याहा आमुहू फासी -फासी पारखिल्यु जास्तीज गोठीमेहे उत्साही पाल्यू होय पण ओमे तुमापो त्याआ वोडी खात्री होय , यामुळे का तो फासी जाखो उत्साही होय 23 जर कोडु तीतुसच्या विषयी फुसनारू ताहा तो माआ होबती होय आना माआ आरिजकामकोअतेहे होय ; आना जर आमु पायोविषयी फुसनारू ताहा ते मोडलीवाही मोकलील्ये आना ख्रिस्ताचे गौरव होय 24 कोईत आपाआ प्रेम आना आमाआ तो गर्व जो तुमाआ विषयी होय मंडली आगाडी पुरो कोईत त्याहा देखाव.