इफ़सी च्या पत्र 2

तो तुमुह बी जीवाडल्यु होय जे आपाआ अपराधा आ आना पापा आ कारन मोइत गोयो ओते 2 ज्याम तुमु पालील्यो आव जुगाआ रीतीपो आना जुगोओ अधिपती अर्थात तिया आत्म्यानुसार चालते ओते , जे ओमेभी आज्ञा न कोनारामे काम कोअता 3 यामे आमु बी आखे च्या आखे पहीले आपाआ डीलोओ वासानामे चालते ओते , आना डील आना मोनाआ इच्छा पुरो कोईत ओते आना बिहरे माहुहूस स्वभावाइहि क्रोधाचे पोऱ्ये ओते 4 पोन परमेश्वराने जो दयेचा मालक होय , आपाआ तिया प्रमोओ वोडा कारनोवाही त्याआरी तिये आमूह प्रेम कोल्यो 5 जाहा आमु अपराधाआ कारनोवाही मोल्या ओते ताहा आमु ओमे ख्रिस्ताआरी जिवंत (कृपेनेच तुमाआ उद्धार पोयो होय ) 6 आना ख्रिस्त येशुमेहे त्याआ आरी उठविले गोये होय आना होर्गाआ स्थानामेहे त्याहापोरोत बोहाडील्ये 7 का तो आपाआ कृपेणे जो ख्रिस्त येशुमेहे आम्हा उपो होय , आवनाराआ टाईमामेहे आपाआ कृपेच्या अपर धनदौलत देखाडीलो 8 काहाके का विश्वासाआ त्यापोरत कृपेनेवाईच तुमाआ उद्धार पोयो होयेआने ओ तुमापोरोत नाहा, ताहा ओ परमेश्वराआ दान होय 9 आना नाहा कर्मकोनारू कारनोवाही, एहलो बी ओवो का कोडु खोत कोअही 10 काहाके का आमु त्याआ बोनाडल्ये होय , आना ख्रिस्त येशुमेहे तिया हाजा कामाकोअता बोनाडहि गोयल्यु चिन्ह परमेश्वराने पाल्या पोरोत आमुहू कोइलाकोअता तीयार कोल्यु 11 आव कारनोवाही स्मरण कोआ का तुमु जे डीलोओ रीतीवाही बिहरे जाती होय आना जे माहे आगोमेऱ्यो आथे कोल्यो सुंतारहित कोतेहे 12 तुमु माहे तिया टाइमाह ख्रीस्तापोरोत अलग आना इस्त्राएलाची प्रजाआ पापांनी अलग कोल्यो गोये , आना प्रतीज्ञाआ वचनाआ गोवाद्या नाहाआत्लू आना एह्लीकायनाय आना जगुमे ईश्वरविना ओते 13 पोन ओमे ख्रिस्त मेहे तुमु जे पेल्ले सेटे ओते , ख्रिस्ताआ रक्ताआ त्यापोरत जागे आविलो गोये होय 14 काहाके का तोज आमाआ मेल होय जिये बेनुहू एकठे कोईत लेधलो आना आंगेज कोनारी जी माय पीतडो ओती ती पोडीत टाक्यी 15 आना आपाआ आगोमेऱ्यो वाईट अर्थात ती परिस्थितोई ज्याआ आज्ञा विधीऐ रीतीपो ओती, सेलाइतगोयो कोईत आप्यी का बेदुपअ आपाआ माय एक नवो मांहु उत्पन्न कोईत मिलवीत आपिलू 16 आना कृसापो सेलाइतगोयो कोईत ज्याआ त्यापोरत बेनुहू एक देह बोणाडीत परमेश्वरआरी जुळाविते 17 तिये आवीत आपु जे सेटे ओते , आना जे जागे ओते बेनुहू भेटी गाठओ सुवार्ता उनाविलो 18 काहाके का त्यावाही आपाआ बेनजोआआ एक आत्मामेरोत आबुहुहू जागे प्रवेश ओते 19 याकोअता तुमु ओमे विदेशी आना पार्के नाहा रोल्या, पोन पवित्र मांहाहा आरी परमेश्वराआ ओतगोल्यु गोये 20 आना प्रेषित आना संदेष्टाआ गुडापो, ज्याचा कोडाआ डोणो ख्रिस्त येशू खुद होय आना बनविल्यो गोल्यो होय 21 ज्यामेहे आखे रचनेत एकठे मिलीत प्रभूमे एक पवित्र मंदिर बोनावोओ जाहो 22 ज्यामेहे तुमु बी आत्म्याआ त्यापोरत परमेश्वराआ निवासाहा स्थान उविलाकोअता एकठे बोनाड्ल्ये जात होय.