3
या कारणों वाही आय पौल जे तुमु बिहरिजाती ई कोअता मसीह यीशु उ बंधी होय 2 जर तुमु देवोओ तियाअ कृपाचे तिया व्यवस्थे विषयी उनाईत होय , जो तुमाआ याकोअता मांहु आप्या गोये , 3 म्हणजे ओ का ते भेद तुमापो प्रगटीकरणा व्दारे जोडयो पोयो, जेहलो आय पहिलुच थोडोजे लेखिलो होय , 4 ज्याही तुमु वासित होमज्यू शकहू का आय ख्रिस्ताआ तो भेद काजा होमजीत्लू 5 जे बिहरे टाईमोमें माहाहा पोऱ्याहा ऐहलोच कोल्यो गोल्यो ओतो , एहलो का आत्म्याआ व्दारे ओमे त्याआ पवित्र प्रेषित आना संदेष्टानवर प्रगट कोल्यो गोये ओते 6 म्हणजे ओ का ख्रिस्त येशूमेहे सुवार्ताआ व्दारे बिहिरिजाती माहे मीरामेहे साक्षी, आना एकुच डीलोओ आना वचनाने सहभागी होय 7 आय देवाची कृपाच्या तिया दानआ नुसार, जो त्याआ सामर्थाच्या कोअला नुसार, जो त्याआ समर्थाच्या कोअला नुसार माहु आप्या गोये , तिया सुवार्तेआ पावर बोल्यू 8 मापो जे आखे पवित्र माहुंमे पण हाणो हानू होय , ए कृपा उवी का आय अन्यजातीहा ख्रिस्ताआ अगाध संपतीई सुवार्ता होमलावणार, 9 आना आखापो ए गोठी प्रकाशाम कोहू का तिया भेद्चे व्यवस्था नाहाकोत होय , जो आखाहा सूजमहार देवोमेहे पाल्या पोरोत गुप्त ओते 10 म्हणजे ओमे मंडीळीच्या व्दारे, देवोओ बहूविध ज्ञान तिया अधिपती आना अधिकाऱ्यानपो जे होर्गांम होय , प्रगट कोल्यो जालो 11 तिया सनातन माहुहु अनुसार जो तिये आमाआ प्रभू ख्रिस्त येशू माय कोअयी ओती 12 ज्यामेहे आमुहू त्याआपो विश्वास कोईलावाही धेर्य आना भोरुसो बी आव आरी देवोओ जागे आवीला अधिकार होय 13 याकोअता आय विनंती कोअत्लू का जे त्रास तुम्हाकोअता माहु उवनारा होय , त्याआ कारनोकोईत खुचू नाहा , काहाके तियाआमे तुमाआ गौरव होय 14 आय याकारनावाहीही तिया आबहा आगाडी गुडघे टेकविलो , 15 जीयेतीये स्वर्ग आना धोरती आना धोरतीपो, हरएक कोअत्लू नाव मेक्ल्ये जाहो , 16 का ते आपाआ गौरवाच्या धन नुसार तुम्हामे ओ दान आपिलू का तुमु त्याआ आत्मावांहि आपाआ माय मनुष्यत्वममेहे सामर्थ मिलवीत ताकदवान उवनारा जालो; 17 आना विश्वासाआ व्दारे ख्रिस्त तुमाआ सातीमे बोह्ये का तुमु प्रमोमेहे मुळ तोईत आना गुडू कालीला , 18 आखे पवित्र मांहाहा आरी हाजो वाईट होमजीलो शक्ती मिलीजावू का त्याआ लांबी, आना रुदी, आना उचु , आना उंडो केतो होय , 19 आना ख्रिस्ताच्या तिया प्रमाहा होमज्यू सेकेहे जे ज्ञानाणी प्रार्थना होय का तुमु देवाआ आखे पूर्णतेह्तके पुरोओत उवे 20 ओमे जो एहेलू सामर्थ होय का आमाआं विनंती आना होम्जीलो थोडो जाखो काम कोहू सेकोहो , तिया सामर्थाआ व्यवस्था जी आम्हा माय काम कोअते, 21 मोडलीम आना ख्रिस्त येशूमेहे त्याआ गौरव पिढ्यान पीडा पर्यंत पिडीनपीडी उवनारा रोअलो आमेन.