4
याआकोअता आय जो प्रभु मेहे बोंधी होय तुमुहू विनंती कोओं हो का ज्याहा हादीई लाआ से तुमु हादाडये गोले होय त्याआ हाजी चाल चाला 2 म्हणजे पुरो नम्रतेने आना सौम्यतेणे, आना धीर तोईत प्रमोवाही एक बिहराआ सहन कोईओलो; 3 आना शांती बंधनाणे आत्म्याआ एकता मिकिलो यत्न कोईओलो 4 एकुच डील होय , आना एकुच आत्माआ; एहलो तुम्हामे जे हादाडल्यो गोये ओते आपाआ गोगीलोमेहे एकुच आशा होय 5 एकुच प्रभू होय , एकुच विश्वास, एकुच बाप्तीसमा, 6 आना आखाआ एकुच देव आना आबहु होय जो आखाजपअ आना आखामेहे आना आखाम होय 7 पोन आमामेरोत प्रत्येकाहा ख्रिस्ताआ दाणाआ परिणाम नुसार कृपा जोड़ी होय 8 याकोअता तो कोतले उसापो सोढयू आना बंदिना बाधित होतगोयो गोल्यो, आना माहुहुं दान आपिलू 9 (त्याआ संडीलो, आना नाहाकोत मिल्योअ जाहो फक्त आ का तो धारेतीई ऐढली जागामे उतरीलो बी आतु 10 आना जे उतरीत्ले गोये ओतो तोज होय जो पुरो जुगोम सोडवीत बी गोल्यो का थोडो किबी पुरोओत कोल्यो ) 11 तिये थोडो जनाला प्रेषित नेमित, आना कोडाआ सुवार्ता उनाइलो नेमित, आना आदीहा साभाड्णार आना उपदेशक नेमित आपिलू, 12 ज्याही पवित्र माहे पूर्णता होतगोयो जायलो आना सेवेए काम कोल्यो जालो आना ख्रिस्ताआ डील उन्नती जोडे 13 जावु जाका आमु आखाहा आखे विश्वास आना देवाआ पोऱ्यापो ओल्खेए एक न होतगोयो जानारू , आना एक सिद्ध मांहु न बोणीत जालो आना पूर्णता जोडयो उवे 14 म्हणजे आमु याआगाडी पोऱ्ये नाय रोही जे माहांआ टोगतलू विद्या आना चतुराईनी, भ्रातिई मार्गा युक्तीवाही आना उपदेशरुपी हरएक वाराआ आल्तलो आना इही तीही फिरीविलो जाहो 15 पोन प्रेमा माय खोरावाही सालीलावेले आखे गोठीमेहे त्याआ माय जो बारी होय , म्हणजे ख्रिस्तामेहे वोद्तो जालो, 16 ज्याही पुरो डील, हरएक सांध्याच्या योगे एकठे होतगोयो आना एकठे गडकर, तिया- तिया प्रभावाआ अनुसार जो हरएक अंगआ वारुहू हारकीज काम कोइलाआ व्दारे तियाआमे आपाआ माह कोतली का तो प्रमोमेहे उविलाकोअता वोद कोईत ओते 17 याकोअता आय ओ कोतलू आना प्रभूमे निब्रीतार्थाने कोतलू का जेहलो बिह्रीजातीही माहे आपाआ मोनोमेहे भ्रष्टतेत चालते होयेतो ओमोरोत फासी एहलो नाहा चालीलो 18 काहाके त्याआ बुद्धी आदाराम होतगोयो गोयी होय , आना तिया अज्ञाआ नाच्या कारनोकोईत ते देवाच्या जीवनामेरोत अलग कोल्यो होय , 19 आना ते ठावकू होतगोयो लबाडीमेह लागित गोये होय का आखे प्रकारोअओ वाईट काम हावतटे डोआवाही कोअयो जालो 20 पोन तुमु ख्रिस्तआ असी शिक्षाम नाहा जोड़ी 21 पोन तुमु खोरोज त्याआज उनाईत आना, जेहलो येशूमेहे खोरो होय , त्यामे हिकाडये बी गोये 22 का तुमु फासाडी चाल नोरो जुंनो जुनो मांहाहा तो कपटाओ वासनावाहीही युक्त ओमेत तिया नाश उवनारा जात होय , उतरित टाका 23 आना आपाआ मोनोमेहे आत्मिक स्वभावोमे नवो बोनावोओ जालो, 24 आना नवो मांहाहा कालीत ल्या जो देवाआ धार्मिकता आना वाटेए धार्मिकता आना पवित्रतायांनी युक्त रोहू, 25 कोईत ठग सोडीत एकमेंकारी खोरो गोगे , खोटो गोगोहो कायना,काहाके आपु एकाबिहिरा अवयव होय 26 खोत ताहा को, पोन पाप नाहा कोहू ; दिह मावळे तोपोरोत तुमाआ खोत न रोअलो, 27 आना न सैतानाहो जागू दया 28 चोरी कोअनारू परंतु चोरी नाय कोईओलो, पोन हाजो काम कोईलावाही आपाआ आताई परिश्रम कोईओलो या कोअता का ज्याआपो आय त्याहा आपिला त्याआ जागे किबी रोहू 29 कोंडली वाईट गोठी तुमाआ सोबिमरोत नाहा निगोये, पण गरजअ अनुसार तोच निहीकोयी का जे प्रगती याकोअता उत्तम होय , म्हणजे तियआ उनानारापो कृपा होय 30 देवाआ पवित्र आत्म्याहा खिन्न नाहा कोहू , ज्याही तुमापो तारणाआ दिहे पर्यंत मुद्रित पोयो होय 31 तीन आखेज प्रकारे कटूत्व, आना खोतलाघी आना राग आना कलकलाट, आना निंदा, आखे दृष्टपणा सुद्धा तुमाआ सेटे कोल्यो जाल 32 एक बिहीरापो उपकार आना कीवकोअत्लू व्हा, आना जेहलो देवूही ख्रिस्तामध्ये तुमाआ अपराध क्षमा कोल्यु, तेहलूज तुमु पोन एक बिहराआ अपराध क्षमा को.