5
याआकोअता प्रिय पोर्या आ हारके परमेश्वरा अनुकरण कोआ 2 आना प्रेमाम साला जेहलो ख्रिस्ताने बी तुमापो प्रेम कोल्यु, आना आमच्यासाठी आपाआ स्वतःहा दुखदारात हाजाकोअता परमेश्वराआगाडीही भेट आपित बलिदान कोईत आपिलू 3 जेहलो पवित्र महुअ योग्य होय , तेहलूज तुम्हामे जारकर्म आना कोडोबीही प्रकारोअओ अशुध्द काम किंवा लोभाश्या चर्चा बी उवूंहू नाहा 4 आना नाहा निर्जलता, नाहा वात्काळ गोठी कोअल्यो, नाहा रिकामी कोअयी; काहाके का याआ गोठी होबा आपित नाहा, नहाते धन्यवादच उनाअयो जाइअलो 5 काहाके का आ तुमु जाआत्ले कोडु जारकर्मी किंवा अशुध्द जोओ, किंवा लोभी माहांआ, जे मूर्ती पुजिलो आरी होय ख्रिस्त आना परमेश्वराआ राज्यामेहे वारसा नाहा 6 कोडु तुम्हामे व्यर्थ गोठीही धोका आपुहू कायना को इयाच कामाआ कारनोवाही परमेश्वराआ राग आज्ञा न पाडणारापो खाकार होय 7 याकोअता तुमु त्याआ सहभागी ओवुहू नाहा 8 काहाके का तुमु ताहा पहीले आदाराम ओते परंतु ओमे प्रभू माय प्रकाश असोशेवट उजवाडामे संतानाआ एकहरको साला 9 काहाके का उजवाडामे फोल आखे प्रकारोअओ हाजो , आना धार्मिकता आना खोरो होय 10 आना ओ पारखिल्यु का प्रभूहु नाहाकोत गोमतो 11 आधाराआ निष्फळ कामोमे सहभागी न ओवो नहाते त्यांपो प्रतिकार को 12 काहाके का गुप्त कामाहा चर्चा बी लाज गोठी होय 13 पोन जेतेहे कामापो प्रतिकार आप्यू जात्लू, ते आखे उजवोडावाही प्रकट ओये काहाके का जो आखे कोडोबी प्रकट कोअत्लू, तो प्रकाश होय 14 आव कारनोवाही तो कोतलू, “ऐ , हुवानारह, जागू आना मोल्यामेहेरोते जिवंतु व्हा, म्हणजे ख्रिस्ताआ प्रकाश तापो चमकीनारा ” 15 याकोअता लक्ष्य आपित देखू का केहली चाल सालतेहे अज्ञानासमान एकहरको नाहा पण बुद्धीमानापोरोते एकहरको चाल्यो 16 वेलाहा मोल्यावान सोमजा काहाके दीही वाईट होय 17 आव कारनोवाही निर्बुद्धी न होय पोन लक्ष्य आपित समजीलो का प्रभूऊ इच्छा नाहाकोत होय 18 द्राक्षरसावाही मस्त ओवा नाहा काहाके वांही ठग पण ओतू पोन आत्म्याआ पुरोओत उवनारा जा 19 आना आपसामेहे रोटू आना स्तुतिगीत आना आत्मिक गीत गावित जा आना आपाआ मोनुमे प्रभूउ आगाडी गावित आना किर्तन कोईत रो 20 आना सदा आखे गोठीपो आमाआ प्रभू येशू ख्रिस्ताच्या नावामेहे परमेश्वर आबहाआ धन्यवाद कोईत रो 21 ख्रिस्ताआ बिखीकी एक बिहीरा आधीन रो 22 ऐ , लाडीइ , आपु आपाआ माट्योह एहलो आधीन रो जेहलो प्रभूउ 23 माटी लाडीई बारी होय जेहलो का ख्रिस्त मोड्लीही बारी होय आना खुद देहाचा उद्धारक होय 24 पोन जेहलो मोडली ख्रिस्ताच्या आधीन होय , तेहलूज पत्न्या पण हरएक गोठीमेहे आपु आपाआ माट्योह आधीन रोअलो 25 आना माट्योह, आपु आपाआ लाडीआ पोओ प्रेम को, जेहलो ख्रिस्ताने बी मंडळयावर प्रेम कोईत स्वतःहा त्याकोअता आपित आपिलू 26 ऐ ने त्याआ वचनाआ त्यापोरत शुध्द स्थानाने हाजो कोईत पवित्र बोनाडा 27 आना त्याहा एक एहलो तेजस्वी मोडंली बोणाडीत आपाआ स्वतःहा उभे को, ज्याम नाहा डाग, नाहा सुरकुती, नाहा कोंडली एह्ली वस्तू होय नहाते पवित्र आना निर्दोष रोयो 28 या प्रकारे होय का माटी आपाआ -आपाआ लाडी त्यापोरोत आपाआ डीलोओ प्रेम कोईओलो जो आपाआ लाडीआ प्रेम कोअत्लू तो आपाआ मापोजे प्रेम कोअत्लू 29 काहाके का केधी कोडु डीलोओ द्वेष कोईत नाहा नहाते त्याआ पालीत पोषणाआ कोअत्लू जेहलो ख्रिस्त पोन मोडली आरी कोअत्लू 30 याकोअता काआमु आमुहू त्याआ देहाचे डील होय 31 “या कारनोवाही मांहु आपाआ आईआबाह सोडीत आपाआ लाडीआरी मिलीत रोही, आना ते बेन एक दिल होय ” 32 ओ गूढ वोडो होय पोन आय ख्रिस्त ऐ मोडंली याआ संबंधाने गोगीत होय 33 पोन तुमामेय हरएक आपाआ माटी आपाआ एकहरको प्रेम को आना लाड़ी बी आपाआ डोहाआ बित मानेतू.