6
ऐ पोर्या प्रभु मेहे आपाआ आयही आबहाआ होमलनारा बोना काहाके ओ उचित होय 2 आपाआ आयहि आबहाआ मान खा ए पेल्ली आज्ञा होय ज्याआरी प्रतिज्ञा बी होय 3 का तांआ हाजो उवे, आना तू धोरतीपो जाअखो दीही जिवंत रोही 4 का आबाहा, आपाआ पोऱ्याहा चिडवू नाहा परंतु प्रभूऊ शिक्षण आना बोध आपित ओतुताहा तियाप पालीत पोषणाआ को 5 ऐ दासाहा, जे माहे या जगुमे तुमाआ मालक होय , आपाआ मोनोमेहे भावना बित माना आना कापीत -कापीत जेहलो ख्रिस्ताआ आज्ञा पाडीलोओ तेहलूज त्याआं पण आज्ञा पालीत जा 6 माहुहुं प्रसन्न कोअनाराआ सारखो ऐ देखाडीलाकोता सेवा कोहू नाहा पोन ख्रिस्ताच्या दातोओ एकहरको मोनाकोईत परमेश्वराआ इच्चेप चाल्यो 7 आना तिया सेवेहा माहांआ नाहा पोन प्रभूऊ होमजीत खोरो मोंनलागाडीत को 8 काहाके तुमु ओलखीत जो कोडु जेहलो हाजो काम कोअनारा दास होय का हाजो प्रभूकडून तेहलूज जोडीत 9 ऐ मालदारे , तुमु पण काब्राविलो सोडीत त्याआ आरी तेहलूज वागा काहाके का तुमु ए मानतेहे का त्याआ आना तुमाआ बनोबी मालक होर्गाम होय , आना तो कोडला पक्षपात नाहा कोअनारू 10 याकोअता प्रभू माय आना त्याआ शक्ती प्रभावही बलवान बन्यो 11 परमेश्वराआ आखे आत्हार स्वतःहा बांधीत ल्या का तुमु सैताणाहा युक्त्यांसमोर उभे रोहू सेकेहे 12 काहाके का आमुहू ओ युद्ध रक्त मासाआरी नाहा ताहा प्रधानांनी आना आन्द्लू आना आव जुगाआ अंधकाराया पुढारीइ आना जुगोमेरयो भूतआत्मारी 13 याकोअता परमेश्वराआ आखे आत्हार बांधीत ल्या का दिहोमे लोदल्या काहाके शेक्आतह आखे थोडो पुरो कोईत स्थिर रोहू सेकेहे 14 याकोअता सत्यांआ आना कबंर बंधित आना धोर्मी तियाआ झीलम कालीत 15 आना गुडामेहे मेलामेहे सुवार्तेआ तीयार बूट कालीत , 16 आना तिया होगाआरी विश्वासाआ ढाल लेत स्थिर रो ज्याम तुमु दृष्ताआ जागे ओतल्या आखे तारांना उलाड़ीदेद्लू सेकेहे 17 आना उद्धाराआ टोप आना आत्म्याआ तलवार जे परमेश्वराआ वचन होय लेतल्या . 18 हरएक वेले हरएक एह्लाम अत्मामेह प्रार्थना आना विनंती कोईत रो आना याकोअता जागतू रो का आखे पवित्र माआहुकोअता निरंतर विनंती कोईत रो 19 आना माकोअता बी का तू माहु गोगीला वेले एहलो प्रबळ वचन आपिलू जावा का तुम्हामे हिमंत आरी संदेशाचे भेद कोहू गोयो 20 याकोअता आय बेडीवाही बादितमेल्यु होय , आना ओ बी का आय त्याआ विषयामे जेहलो माहु बी , हीमतवाही गोगनारू 21 तुखिक जो प्रिय आना प्रभूमे विश्वास योग्य पावर होय तुम्हामे आखे गोठी कोअही का तुमु पण माआ परिस्थिती जाहा का आय केहलु रोतलू 22 त्याहा आय तुमापोओ याकोअता मोक्ल्यीत होय का तुमु आमाआं परिस्थिती ओलखा आना तो तुमाआ मनाहे शांती आपही 23 परमेश्वर आबहु आना प्रभू येशू ख्रीस्तअवोगेरोथ न पायहोहो शांती आना विश्वासाआ आरी प्रेम जोळे 24 जो परमेश्वर प्रभू येशू ख्रीस्तात खोरो प्रेम कोअत्लू तीन आखापो कृपा उवनारा राहो.